Keppnistímabilið 2007-2008 hefst á hefðbundinn hátt með Meistaramóti KLÍ, „Meistarar meistaranna“, fimmtudaginn 27. september 2007 kl. 19:00 í Keiluhöllinni í Öskjuhlíð. Í kvennaflokki keppa Íslands- og bikarmeistararnir KFR-Valkyrjur við ÍR-TT sem urðu í öðru sæti í bikarkeppni liða og Íslandsmóti liða. Í karlaflokki keppa Íslandsmeistarar KFR-Lærlingar við bikarmeistara ÍR-PLS.

Deildarkeppni liða hefst svo sunnudaginn 30. september kl. 13:00 með viðureign kvennaliðs KFA-ÍA og nýliðanna í kvennadeildinni KFK-GK og kl. 16:00 hefst síðan viðureign nýliðanna í 2. deild karla KFA-ÍAW og KR-C í Keilsalnum á Akranesi.

Mánudaginn 1. október hefst keppni í 1. deild kvenna og 2. deild karla í Keiluhöllinni í Öskjuhlíð kl. 19:00, en þar mætast í 1. deild kvenna: KFR-Valkyrjur – KFR-Skutlurnar, ÍR-KK – KFR-Afturgöngurnar, ÍR-TT – ÍR-BK. Og í 2. deild karla mætast: ÍR-T – KFA-ÍA-B, ÍR-Blikk – ÍR-Línur, ÍR-NAS – KFK-Keila.is, ÍR-P – KFR-JP-kast, en leikur KFR-Þrastanna og KFK-A fer fram á sama tíma á þriðjudag.

Þriðjudaginn 2. október hefst keppni í 1. deild karla í Keiluhöllinni í Öskjuhlíð kl. 19:00, en þar mætast: KR-A – ÍR-L, ÍR-KLS – KFA-ÍA, ÍR-A – ÍR-PLS, KFR-Stormsveitin – KR-B, KFR-Lærlingar – KFK-Keiluvinir og þá fer einnig fram áðurnefndur leikur í 2. deild karla KFR-Þröstur – KFK-A.

Dagskrá fyrstu 5. umferðanna:
1. deild kvenna
1. deild karla
2. deild karla

Dagskráin er birt með fyrirvara um leiðréttingar og breytingar.

Að þessu sinni eru skráð til keppni 8 kvennalið og eru nýliðarnir KFK-GK og er það í fyrsta sinn sem KFK sendir kvennalið til keppni. Að jafnaði verður keppt í 1. deild kvenna kl. 13:00 á sunnudögum í Keilusalnum á Akranesi og á mánudögum kl. 19:00 í Keiluhöllinni í Öskjuhlíð.

Karlaliðin eru samtals 22 að tölu, 10 lið í 1. deild karla og 12 lið í 2. deild karla. Að jafnaði verður keppt í 1. deild karla á sunnudögum kl. 16:00 eða kl. 10:00 í Keilusalnum á Akranesi og á þriðjudögum kl. 19:00 í Keiluhöllinni í Öskjuhlíð. Í 2. deild karla verður að jafnaði keppt kl. 16:00 eða kl. 10:00 á sunnudögum í Keilusalnum á Akranesi og á mánudögum kl. 19:00 í Keiluhöllinni í Öskjuhlíð, nema leikir KFR-Þrasta og KFK-A sem fara fram um leið og leikir í 1. deild karla kl. 19:00 á þriðjudögum. En nauðsynlegt var að færa leiki til vegna fjölda liða.

Í Bikarkeppni liða eru skráð til keppni 7 kvennalið, öll nema KFR-Skutlurnar, öll lið 1. deildar karla og 8 lið úr 2. deild karla. Í 32 liða úrslitum karla keppa því 4 karlalið um að komast áfram í 16 liða úrslit og bikarmeistararnir KFR-Lærlingar sitja hjá í 32 liða úrslitunum. Og í 8 liða úrslitum kvenna sitja bikarmeistararnir KFR-Valkyrjur hjá meðan hin liðin keppa um sæti í 4 liða úrslitum.

Í Deildarbikar liða eru skráð 10 lið, 9 karlalið og 1 kvennalið. Keppt verður í einum riðli og spilaðir 9 leikir á kvöldi. Fyrsta umferð Deildarbikars fer fram þriðjudaginn 16. október og þá verður tekið hlé á keppni í 1. deild karla.

Í gær lauk forkeppni í Evrópumóti landsmeistara. Sigfríður Sigurðardóttir endaði í 24. sæti með samtals 4319 (179,96), en Magnús Magnússon í því 19. með alls 4750 (197,92). Efst í kvennaflokki er Ingunn Oien frá Noregi með 5029 (209,54) og í karlaflokki Marco Reviglio frá Ítalíu með 5357 (223,21). Úrslit verða spiluð í dag. Sjá heimasíðu mótsins.

http://www.champions-cup.lu/site/

Nú er 2. keppnisdegi lokið á Evrópumóti landsmeistara. Mads Sandbækken frá Noregi er enn í 1. sæti í karlaflokki með 3567, eða 222,94 í meðaltal, en í kvennaflokki er landsmaður  hans Ingunn Oien efst með 3406 eða 213 í meðaltal. Magnús Magnús er í 17. sæti með samtals 3193 eða 199,56 í meðaltal, en Sigfríður Sigurðardóttir er í 22. sæti með 2966 eða 185,38 í meðaltal. Á morgun verður keppt í blandaðri olíu, langri og stuttri, en eftir það komast 8 efstu í hvorum flokki áfram í úrslit. Sjá nánar heimasíðu mótsins:

http://www.champions-cup.lu/site/

Nú er fyrsta degi lokið í landsmeistáramótinu, en leiknir voru 8 leikir í stuttri olíu. Sigfríður er i 17. sæti með 1484 alls, eða 185,5 í meðaltal. Efst í kvennaflokki er Therese Forsell frá Svíþjóð með 1559 eða 194.9 í meðaltal. Hjá körlunum er norðmaðurinn Mads Sandbækken efstur með heil 1957, eða 244,6 í meðaltal. Magnús er í 18.sæti með samtals 1559 , eða 194,9 í meðaltal. Keppni heldur áfram á morgun í langri olíu, en á föstudaginn verður leikið í blandaðri, þ.e. langt og stutt til skiptis. Sjá heimasíðu mótsins:

http://www.champions-cup.lu/site/

Keppni er hafin í ECC, „European Champions Cup“, eða Evrópumót Landsmeistara. Sigfríður Sigurðardóttir er í 8. sæti í sínum riðli eftir 8 leiki með 1484 alls eða 185,4 í meðaltal. Efst í riðlinum er Patricia Klug frá Austurríki með samtals 1750, eða 218,75 í meðaltal. Í riðli 2 byrjar Therese Forsell frá Svíþjóð af krafti, en hún spilaði 264 og 239 í fyrstu tveim leikjunum. Sjá nánar á

http://www.champions-cup.lu/site/?page=results&PHPSESSID=9bd993a005edeb6856da5b12708695bb

Keppnistímabilið 2007-08 hefst á hefðbundinn hátt með Meistaramóti KLÍ, „Meistarar meistaranna“, fimmtudaginn 27. september 2007 kl. 19:00 í keiluhöllinni í Öskjuhlíð. Í kvennaflokki keppa Íslands- og bikarmeistararnir KFR-Valkyrjur við ÍR-TT sem urðu í öðru sæti í bikarkeppni liða. Í karlaflokki keppa Íslandsmeistarar KFR-Lærlingar við bikarmeistara ÍR-PLS.

Deildarkeppni liða hefst svo sunnudaginn 30. september kl. 16:00 með viðureign KFA-ÍAW og KR c í keilsalnum á Akranesi.

Nánari dagskrá verður auglýst síðar.

Mánudaginn 17.september heldu þau Sigfríður Sigurðardóttir og Magnús Magnússon utan til Lúxemborgar að keppa á Evrópumóti landsmeistara, European Champions Cup. Með þeim í för er Theodóra Ólafsdóttir.

Keppnin sjálf hefst miðvikudaginn 19. september. og lýkur með úrslitakeppni 22. september. Sjá heimasíðu mótsins:

 http://www.champions-cup.lu/site/

Utandeild KLÍ í keilu verður á sínum stað í vetur. Eins og í fyrra er það Keilufélagið Keila sem verður umsjónaraðili keppninnar. Leikið verður í Keiluhöllinni á fimmtudögum kl. 19:00 (Athugið breyttan tíma) og leikur hver riðill einu sinni í mánuði. Keppni hefst fyrsta fimmtudag í október.  Sjá nánar á www.keila.is

Skráningarfrestur er til 15. september og skráning fer fram á netfanginu [email protected] Þar þurfa eftirfarandi upplýsingar að koma fram:   – Nafn liðs – Nafn fyrirliða ásamt síma og netfangi – Óskir ef einhverjar eru, t.d ef viðkomandi lið vill vera með einhverju öðru í riðli. Utandeildin er tilvalin fyrir fyrirtæki að skora á samkeppnis- eða samstarfsaðila í keilu einu sinni í mánuði eða fyrir fyrirtæki og  hópa að fara saman í keilu þar sem áhersla er lögð á afslappað og skemmtilegt andrúmsloft.  Ef það eru einhverjar spurningar sem skjóta upp kollinum þá endilega hafið samband í gegnum netfangið [email protected]

Leikið er í þriggja manna liðum með forgjöf. Sú breyting hefur verið gerð að nú byrjar leikmaður með þá forgjöf sem hann endaði með í fyrra og reiknast síðan áframhaldandi forgjöf út frá þeirri forgjöf. Ef leikmaður er ekki með forgjöf frá því í fyrra er forgjöf fundin út frá allsherjarmeðaltali KLÍ og ef leikmaður er ekki þar á skrá þá fær hann 70 sem upphafsforgjöf.   Fyrirkomulag verður eins og í fyrra, þ.e. leikið er gegn þremur liðum á hverju kvöldi og fást 2 stig fyrir sigur og eitt fyrir jafntefli. Skráningargjald er kr. 12.000 og skal greiða það fyrir fyrstu umferð, að öðrum kosti fær viðkomandi lið ekki að hefja keppni. Brautarleiga til Keiluhallarinnar fyrir hvert kvöld er kr. 4.500 á lið. Hægt er að staðgreiða brautarleiguna fyrirfram eða skipta henni í 6 mánuði á kreditkort.

Sjá auglýsingu  Athugið breyttan tíma eða 19:00 í stað 18:30

Reykjavíkurmót einstaklinga með og án forgjafar munu fara fram í september.  Keppni með forgjöf er um næstu helgi og forgjöf 80% af mismun á 200 og meðtaltali.  Keppt verður án forgjafar helgina 15. – 16. september.

Í báðum mótum eru keppt í karla og kvennaflokkum, og eru leiknir 6 leikir í forkeppni, sem kostar 2.500 krónur, og útsláttarkeppni fjögurra efstu í úrslitum.

Sjá nánar auglýsingar um mótin

• Reykjavíkurmót einstaklinga með forgjöf 2007
• Reykjavíkurmót einstaklinga 2007

Fyrri þrímenningur Íslands hóf keppni í morgun, en hann er skipaður þeim Andrési Páli, Stefáni og Árna Geir.  Líkt og í tvímenningnum er fyrst leikið í stuttri olíu og síðan þeirri löngu, en aðeins eru leiknir 3 leikir í hvort skipti.

Skor var ágætt í morgun, en okkar menn enduðu á 1.719, eða 191 að meðaltali, og var Andrés Páll efstur mð 596.

Finnarnir Jari Ratia, Joonas Jehkinen og Kimmo Lehtonen áttu stórleik í morgun og settu tvö Evrópumót, 803 í einum leik og 2.167 í þremur leikjum, en Jari náði fyrsta 300 leik mótsins í síðasta leiknum.  Sjá skor í þrímenningnum

Skor Íslands frá í morgun má sjá hér að neðan.  Þeir halda áfram keppni klukkan 9 í fyrramálið.  Björn, Róbert og Hafþór mynda hinn tvímenningin og leika þeir í dag og á morgun, og hefja leik klukkan 16:30 báða dagana.