Frá Evrópumóti ungmenna 2022 – tvíenningur búinn hjá strákunum

Svavar Þór Einarsson
Mót ETBF, Uncategorized

Þá er tvíenningur búinn hjá strákunum okkar á Evrópumóti Ungmenna í Wittelsheim, Frakklandi. Aron Hafþórsson og Hinrik Óli Gunnarsson byrjuðu í fyrra holli og gekk þeim brösulega.
Þeir byrjuðu mjög svipaðir í fyrsta leik en þá áttu þeir 156 og 157 leik (mjög jafnt).
Aron hrökk svo í gang með 2 góðum leikjum, 181 og 199 en Hinrik enn í smá basli með 151 og 179.
Aron dettur svo aftur niður með 160, 156 og 144. Hinrik hinsvegar komst aðeins út úr klípuni með 182 eftir 147 leik en hann endar á 158.
Erfiður dagur fyrir okkar menn. Ísak Birkir Sævarsson og Mikael Aron Vilhelmsson stigu svo á brautirnar eftir hádegi og byrjuðu þokkalega vel en Ísak spilaði 225 og Mikael 190.
Það varð smá óhapp samt í miðjum fyrsta leik þegar vatn skvettist út um leikmannasvæðið okkar manna. Mikael hélt sama dampi í leik 2 með 214 en Ísak var ekki að finna leyfakúluna sína á þeim brautum en hann spilaði 135. Svo kom Ísak sterkur til baka og spilaði 212, 188 og 172 á meðan Mikael spilaði 221 og dettur svo niður í 159 og 150. Ísak klárar vel með 195 en Mikael með 156. Flottur dagur hjá þeim tveim. Lið Svía, Finna, Ítala og Dana komust svo áfram í undanúrslit í tvímenning sem spilaður var strax eftir hollin tvö. Þar tóku Ítalir Dani og Svíar unnu Finna en Robin Ilhammar felldi 12 sinnum í einum leik á meðan Carl Eklund spilaði 246(nýtt evrópumet). Það kom þeim samt ekki til hjálpar þegar þeir bakkabræður mættu Ítölum í úrslitum. Þar spilaði Mario Del Gaudio 279 leik á meðan Giorgio Gragnaniello náði bara 193. Það var samt nóg til að sigra Svíana en þeir spiluðu bara 412 samanlagt. Gull á Ítalíu.
Næst hjá strákunum er að horfa á stelpurnar okkar, þær Hafdísi Evu Laufdal Pétursdóttur og Særósu Erlu Jóhönnudóttur en þær hefja leik á morgun, mánudag kl. 9:00 að frönskum tíma eða 7:00 íslenskum tíma. Liðakeppni strákanna hefst svo á þriðjudag Áfram Ísland!

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu 

Frá Evrópumóti ungmenna 2022 – Fyrsta degi lokið

Jóhann Ágúst Jóhannsson
Uncategorized

Dagur eitt og formlegri æfingu lokið. Allir klárir fyrir morgundaginn. Aron og Hinrik eru tvímenningur eitt og hefja þeir leik klukkan 9:00 (7:00) ekki er komin brautar niðurröðun. Tvímenning tvö skipa svo Ísak og Mikael og hefja þeir leik klukkan 13:15 (11:15)

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu

Evrópumeistaramót unglinga U18

Þórarinn Már Þorbjörnsson
Erlendar fréttir, Ungmennastarf

Þessi glæsilegi hópur æfir nú á fullu fyrir EYC, Evrópumeistarmót unglinga undir 18 ára sem fram fer í Wittelsheim Frakklandi dagana 2. til 11. september. Piltarnir sem fara eru Aron Hafþórsson, Hinrik Óli Gunnarsson, Ísak Birkir Sævarsson og Mikael Aron Vilhelmsson. Stúlkurnar eru þær Hafdís Eva Laufdal Pétursdóttir og Særós Erla Jóhönnudóttir.  Þjálfarar Guðmundur Sigurðsson og Magnús Sigurjón Guðmundsson
Heimasíða mótsins “ eyc2022.etbfchampionships.eu/ „

EM kvenna 2022 lokið

Guðjón Júlíusson
Árangur keilara, Erlendar fréttir, Mót ETBF, Uncategorized

Í gær lauk liðakeppni á Evrópumóti kvenna í Álaborg en það voru Hollendingar sem enduðu efstar í forkeppninni, Svíþjóð í öðru sæti, Danmörk í þriðja sæti og Þjóðverjar í fjórða sæti. Í undanúrslitum léku því Holland gegn Þýskalandi og Svíþjóð gegn Danmörku. Þýskaland og Svíþjóð  unnu sína undanúrslitaleiki. Þýskaland vann svo úrslitaleikinn gegn Svíþjóð.

Alls voru 14 þjóðir í liðakeppninni og endaði Ísland í 14 sæti.

Veitt eru verðlaun úr sameiginlegu skori yfir allt mótið og það var hún Peppi Konsteri frá Finlandi sem stóð upp sem sigurvegari með 5013 stig eða 208,9 stig að meðaltali, í öðrusæti var Anna Anderson frá Svíðjóð með 4978 stig eða 207,4 stig að meðaltali og í því þriðja var Jenny Wegner einnig frá svíþjóð með 4971 stig eða 207.1 stig að meðaltali.

Alls voru 102 keppendur á mótinu og enduðu stelpurnar okkar í eftirfarandi sætum:

80        Helga Ósk Freysdottir                     

82        Katrín Fjóla Bragadóttir      

85        Marika Katarina Lönnroth  

94        Margrét Björg Jónsdóttir    

97        Linda Hrönn Magnusdóttir

100     Málfríður Jóna Freysdóttir

Í dag hófst svo masters keppnin þar sem efstu 24 keppendur á mótinu spila í útslattarkeppni þar sem vinna þarf 2 leiki til að komast áfram í næstu umferð. Eftir frábæra spilamensku í dag mættust þær Josefin Hermansson frá Svíþjóð og Jenny Wegner einnig frá Svíþjóð í úrslitaleiknum þar sem Josefin stóð uppi sem sigurvegari eftir að hafa unnið Jenny í tveimur leikjum.

EM kvenna 2022 – Þrímenningskeppni lokið

Þórarinn Már Þorbjörnsson
Árangur keilara, Erlendar fréttir, Mót ETBF

Í gær lauk þrímenningskeppni á Evrópumóti kvenna í Álaborg en það voru Anna Anderson, Cajsa Wegner og Jenny Wegner frá Svíþjóð sem enduðu efstar í forkeppninni, Cecilie Jeanette, Mika Glud Guldbæk og Mai Ginge Jensen frá Danmörku í öðru sæti, Ani Juntunen, Marjaana Hytönen og Peppi Konsteri frá Finlandi í þriðja sæti og Sandra Andersson, Josefin Hermansson og Victoria Johansson frá Svíþjóð í fjórða sæti. Í undanúrslitum léku því Svíþjóð gegn Svíþjóð og Danmörk gegn Finlandi. Anna, Cajsa og Jenny unnu undanúrslitaleikinn gegn samlöndum sínum og mæta í úrslitum Cecilie, Mika og Mai þar sem þær unnu sína viðureign gegn Finlandi. Svíþjóð unni svo samfærandi sigur á Danmörku í úrislitaleiknum.

Alls tóku þátt 32 þrímenningar en Katrín Fjóla Bragadóttir, Marika Lönnroth og Helga Ósk Freysdóttir spiluðu hæst af íslensku stelpunum og enduðu þær í 27. sæti. Margrét Björg Jónsdóttir,Málfríður Jóna Freysdóttir og Linda Hrönn Magnúsdóttir í 32. sæti.

Í dag hefst svo liðakeppnin sem stendur yfir í 2 daga og munu stelpurnar spila á eftirfarandi staðartímum:

Fimmtudagur kl. 10:00

Föstudagur kl. 9:00

Undanúrslit í liðakeppni eru á föstudaginn kl. 14:15 og úrslit kl. 16:00

Úrslit í liðakeppni verða uppfærð jafn óðum og hægt er að fylgjast með þeim með að smella hér.

Einnig er hægt að fylgjast með skori í rauntíma með að smella hér.

Hægt er að fylgjast með streymi frá mótinu með því að smella hér. 

EM kvenna 2022 – Tvímenningskeppni lokið

Guðjón Júlíusson
Árangur keilara, Erlendar fréttir, Uncategorized

Í dag lauk tvímenningskeppnin á Evrópumóti kvenna í Álaborg en það voru Ani Juntunen og Peppi Konsteri frá Finnlandi sem enduðu efstar í forkeppninni, Emma Friant og Manon Grandsire frá Frakkland í öðru sæti, Josefin Hermansson og Victoria Johansson frá Svíþjóð í þriðja sæti og Cajsa Wegner og Jenny Wegner frá Svíþjóð í fjórða sæti. Í undanúrslitum léku því Ani og Peppi gegn Cajsu og Jenny og Emma og Manon gegn Josefin og Victoriu. Bæði Sænsku liðin unnu í undanúrslitum og kepptu því til úrslita og fór það svo að Josefin og Victoria sigruðu.

Alls tóku þátt 50 tvímenningar en Katrín Fjóla Bragadóttir og Helga Ósk Freysdóttir spiluðu hæst af íslensku stelpunum og enduðu þær í 37. sæti. Margrét Björg Jónsdóttir og Marika Lönnroth enduðu í 47. sæti og Málfríður Jóna Freysdóttir og Linda Hrönn Magnúsdóttir í 49. sæti. Nánar um skor og lokastöðu tvímenningskeppninnar má skoða hér.

Á morgun hefst svo þrímenningskeppnin sem stendur yfir í 2 daga og munu stelpurnar spila á eftirfarandi staðartímum:

Þriðjudagur kl. 10:00 – Marika, Helga og Katrín

Þriðjudagur kl. 13:45 – Málfríður, Margrét og Linda

Miðvikudagur kl. 9:00 – Málfríður, Margrét og Linda

Miðvikudagur kl. 12:45 – Marika, Helga og Katrín

Undanúrslit í þrímenningskeppni eru á miðvikudag kl. 16:15 og úrslit kl. 17:30

Úrslit í þrímenningskeppni verða uppfærð jafn óðum og hægt er að fylgjast með þeim með að smella hér.

Einnig er hægt að fylgjast með skori í rauntíma með að smella hér.

Hægt er að fylgjast með streymi frá mótinu með því að smella hér. 

EM kvenna 2022 – Einstaklingskeppni lokið

Guðjón Júlíusson
Árangur keilara, Erlendar fréttir, Uncategorized

Í dag lauk einstaklingskeppnin á Evrópumóti kvenna í Álaborg en það voru sterkar sænskar stelpur sem röðuðu sér í 4 efstu sætin og léku til úrslita. Úrslitin voru mjög spennandi og endaði úrslitaleikurinn í bráðabana hjá þeim Söndru Anderson og Önnu Anderson og sigraði Anna með fellu gegn 9 pinnum hjá Söndru.

Alls tóku þátt 102 leikmenn en Katrín Fjóla Bragadóttir sem endaði í 57. sæti skoraði hæst af íslensku stelpunum með 1064 seríu eða 177.3 í meðaltal, Margrét Björg Jónsdóttir endaði í 73. sæti með 1016 seríu eða 169.3 í meðaltal, Marika Lönnroth endaði í 76. sæti með 1012 eða 168.7 í meðaltal, Helga Ósk Freysdóttir endaði í 81. Sæti með 1001 seríu eða 166.8 í meðaltal, Málfríður Jóna Freysdóttir endaði í 97. Sæti með 923 serí eða 153.8 í meðaltal og Linda Hrönn Magnúsdóttir endaði í 100 sæti með 901 seríu eða 150.2 í meðaltal. Nánar um lokastöu einstaklingskeppninnar má skoða hér.

Á morgun hefst svo tvímenningskeppnin sem stendur yfir í 2 daga og munu stelpurnar spila á eftirfarandi staðartímum:

Sunnudagur kl. 9:00 – Helga og Katrín

Sunnudagur kl. 13:45 – Málfríður og Linda

Mánudagur kl. 10:00 – Margrét og Marika

Undanúrslit í tvímenningskeppni eru á mánudag kl. 14:30 og úrslit kl. 15:15

Úrslit í tvímenningskeppni verða uppfærð jafn óðum og hægt er að fylgjast með þeim með að smella hér.

Einnig er hægt að fylgjast með skori í rauntíma með að smella hér.

Hægt er að fylgjast með streymi frá mótinu með því að smella hér. 

Evrópumót kvenna 2022 – dagur 1

Guðjón Júlíusson
Árangur keilara, Erlendar fréttir, Uncategorized

Í dag var formleg æfing í keppnisaðstæðum þar sem stelpurnar fengu tækifæri til að prufa búnaðinn sinn í þeim olíuburði sem verður í mótinu en hann var gefinn út í morgun og er 39 fet. Hægt er að skoða olíuburðinn með að smella hér. 

Aðstæðurnar eru mjög krefjandi en æfingin í dag gaf stelpunum góða hugmynd um það hvernig þær munu hefja leik á morgun í einstaklingskeppninni en stelpurnar spila á eftirfarandi staðartímum:

Föstudagur kl. 9:00 – Marika og Katrín

Föstudagur kl. 13:45 – Málfríður og Helga

Laugardagur kl. 10:00 – Margrét og Linda

Undanúrslit í einstaklingskeppni eru á laugardag kl. 14:30 og úrslit kl. 15:15

Úrslit í einstaklingskeppni verða uppfærð jafn óðum og hægt er að fylgjast með þeim með að smella hér. Einnig er hægt að fylgjast með skori í rauntíma með að smella hér.

Hægt er að fylgjast með streymi frá mótinu með því að smella hér. 

European Women Championships 2022

Þórarinn Már Þorbjörnsson
Árangur keilara, Erlendar fréttir, Uncategorized

Kvennalandslið Íslands í keilu mætti til Álaborgar í Danmörku í gær til að keppa á Evrópumóti kvenna dagana 10.-21. ágúst 2022.

 

Í dag var tekin óformleg æfing í salnum sem gekk mjög vel og stelpurnar eru í toppstandi, á morgun kl. 13:00 að staðartíma verður svo formleg æfing áður en keppni hefst á föstudag. Stelpurnar byrja æfinguna á brautum 13-16 og er skipt um brautir á 15 mínútna fresti þar til æfingunni lýkur kl. 14:30.

 

Mótið hefst svo formlega á föstudaginn en dagana 12-13. ágúst verður keppt í einstaklingskeppni, dagana 14-15. ágúst verður keppt í tvímenningi, dagana 16-17. ágúst verður keppt í þremenningi og dagana 18-19. ágúst í liðakeppni með 5 leikmönnum. Í hverri grein eru leiknir 6 leikir og komast efstu 4 í undanúrslit þar sem 1. sætið úr forkeppni keppir við 4. sætið og 2. sætið við 3. sætið. Að lokum leika sigurvegarar þeirra til úrslita. Einnig er keppt í masters einstaklingskeppni þar sem samanlagt skor úr öllum 4 keppnum telur og eru það 24 efstu sem þar leika í útsláttarkeppni.

 

Fyrir hönd Íslands keppa þær:

  • Helga Ósk Freysdóttir
  • Katrín Fjóla Bragadóttir
  • Linda Hrönn Magnúsdóttir
  • Margrét Björg Jónsdóttir
  • Marika Lönnroth
  • Málfríður Jóna Freysdóttir

 

Þjálfari liðsins er Skúli Freyr Sigurðsson og aðstoðarþjálfari Guðjón Júlíusson.

 

Búast má við góðum fréttaflutningi frá mótinu hér á vefsíðu Keilusambandsins og hægt verður að fylgjast með úrslitum á heimasíðu mótsins: https://ewc2022.etbfchampionships.eu/

Bein útsending verður frá öllum viðburðum mótsins sem hægt er að tengjast með að smella hér.

 

Silfur og Brons á ESBC í Berlín.

Svavar Þór Einarsson
Erlendar fréttir

Helstu afrek ferðarinnar eru úr einstaklingskeppninni þar sem að Guðmundar Konráðsson nældi í silfur í C flokki þar sem að voru 252 keppendur og Linda Hrönn Magnúsdóttir nældi í brons í B flokki þar sem að voru 70 keppendur.

Einstaklingskeppni         

Í A flokki              Anna Kristín 36/67 og Guðmundur 30/99

Í B flokki              Linda 3/70 Telma 9/70   og Kristján 57/150

Í C flokki              Herdís í 56/90 og Mundi 2/252

                                                                                         

Tvímenningur   

Í A flokki              Anna Kristín og Ragna Guðrún 31/46 og Guðmundur og Kristján 27/70

Í B flokki              Bára og Telma 17/33 og Njáll og Höskuldur 76/78

Í C flokki              Mundi og Tóti 12/103

                             

Þrímenningur    Nína, Halldóra og Guðbjörg 49/75 og Gummi með svíum 19/168 og Kristján og svo Njáll og Höskuldur í 153/168

Fínasti árangur okkar fólks á móti þar sem að keppendur eru hátt í 1000 manns.

Eftrir úrslit og verðlaunaafhendingu verður móti slitið á lokahófinu.

Þar sem að Ísrael dró sig til maka í mótshaldi á komandi ári verður mótið líklegast haldið í Bologna á Ítalíu og árið 2024 verður mótið í Danmörku og getur fólk því byrjað að láta sig hlakka til.