Lið ÍA 1 tryggði sér Deildarmeistaratitilinn á Í Íslandsmóti unglingaliða annað árið í röð þegar keppni í 5. umferð fór fram í Keiluhöllinni í Öskuhlíð, laugardaginn 1. mars s.l.  Lið ÍA 1 endaði í efsta sæti keppninnar með 34 stig, ÍR 1 varð í 2. sæti með 31 stig, KFR 1 varð í 3. sæti með 20 stig, ÍR 2 varð í 4. sæti með 9 stig og ÍA 2 varð í 5. sæti með 6 stig.  Efstu fjögur liðin keppa síðan til úrslita sem fara fram í Keiluhöllinni í Öskjuhlíð laugardaginn 29. mars n.k. Erlingur Sigvaldason ÍR spilaði hæsta leik umferðarinnar 209, en Þorsteinn Hanning Kristinsson ÍR spilaði 203 og 199. Sjá stöðuna og skor umferðar

Á Íslandsmóti unglingaliða eru spilaðar 5. umferðir á keppnistímabilinu og síðan keppa fjögur efstu liðin til úrslita. Keppt er í þriggja manna liðum og þátttökurétt hafa unglingar sem eru félagar í keilufélagi og eru í 5. – 10. bekk grunnskóla. Að þessu sinni eru fimm lið skráð til leiks, tvö lið frá ÍA, tvö lið frá ÍR og eitt lið frá KFR. Í hverri umferð er spiluð einföld umferð allir við alla, eða 4 leikir. Efsta liðið að loknum þessum 5 umferðum hlýtur titilinn Deildarmeistari unglingaliða, en efstu fjögur liðin keppa síðan til úrslita þar sem  liðið í 1. sæti keppir við liðið í 4. sæti og liðið í 2. sæti keppir við liðið í 3. sæti og það lið sem fyrr vinnur tvo leiki keppir til úrslita. Það lið sem fyrr vinnur tvo leiki í úrslitunum sigrar og hlýtur nafnbótina „Íslandsmeistari unglingaliða.“

Sjá nánar um Íslandsmót unglingaliða og dagskrá unglingamóta í vetur.

Birt hefur verið allsherjarmeðaltal miðað við 28. febrúar 2014

Nýkrýndur Íslandsmeistari Magnús Magnússon ÍR er nú kominn í efsta sæti meðaltalslistans með 214 pinna að meðaltali í leik, tveimur pinnum meira en Hafþór Harðarson ÍR sem hefur verið í efsta sæti listans síðustu mánuði. Skúli Freyr Sigurðsson ÍA er svo kominn í 3. sætið með 206 að meðaltali. Dagný Edda Þórisdóttir KFR er efst kvenna á listanum með 191 pinna og hækkar um tvo pinna milli mánaða. Alda Harðardóttir KFR kemur næst með 187 að meðaltali í leik og nýkrýndur Íslandsmeistari Ástrós Pétursdóttir ÍR er komin í 3. sætið með 184 pinna að meðaltali.

Til meðaltals teljast síðustu 100 leikir fyrir mánaðamót fyrir útreikning meðaltals. Einnig eru birt mánaðar-, vetrar- og ársmeðaltöl keppanda.. Vetrarmeðaltal er reiknað útfrá leikjum á tímabilinu 1. júní til 31. maí. Þá kemur einnig fram hve langt er síðan síðasti leikur leikmanns sem taldi til meðaltals var leikinn, í dálkinum „Óvirkir mán.“ Hægt er að skoða þróun meðaltals og hvaða leikir teljast til síðustu 100 leikja undir Tölfræði og leikmenn

Í síðustu viku fór fram keppni í 16. umferð 1. deildar kvenna. KFR-Valkyrjur og ÍR-TT mættust í Egilshöllinni og fór viðureign þeirra 11,5 á móti 8,5, en það nægði ÍR-TT til að fara upp í toppsætið með 214,5 stig. ÍR-Buff tók á móti ÍA í Egilshöllinni og vann stórsigur 17 – 3 og það tryggði þeim 2. sætið með 211,5 stig. KFR-Valkyrjur og KFR-Afturgöngurnar sem eru búnar að sitja hjá koma síðan í næstu sætum með 210,5 stig og 208 stig. Efstu fjögur liðin eru nú komin með 40 stiga forystu á ÍR-BK sem er í 5. sæti og á einnig eftir að sitja hjá, en enn eru 6 umferðir eftir þannig að enn er möguleiki á sæti í úrslitum.

Úrslit leikja í 16. umferð voru eftirfarandi:
KFR-Skutlrunar – ÍR-SK 19 – 1
ÍFH-Elding – ÍR-BK 6 – 14
ÍR-KK – ÍR-N 8 – 12
KFR-Valkyrjur – ÍR-TT 11,5 – 8,5
ÍR-Buff – ÍA 17 – 3
KFR-Afturgöngurnar sátu hjá

Hæstu seríur umferðarinnar spiluðu Dagný Edda Þórisdóttir KFR-Valkyrjum 607, Guðrún Soffía Guðmundsdóttir ÍR-Buff 575 og Ástrós Pétursdóttir ÍR-Buff 562. ÍR-Buff spilaði hæstu seríuna 2.191 og hæsta leikinn 746.

Staðan í 1. deild kvenna að lokinni 16. umferð:
1. ÍR-TT 214,5 (15)
2. ÍR-Buff 211,5 (15)
3. KFR-Valkyrjur 210,5 (14)
4. KFR-Afturgöngurnar 208 (14)
5. ÍR-BK 167,5 (15)
6. ÍR-N 138 (14)
7. ÍFH-Elding 111 (15)
8. KFR-Skutlurnar 107 (14)
9. ÍA 100 (14)
10. ÍR-KK 93,5 (15)
11. ÍR-SK 38,5 (15)
(fjöldi leikja í sviga)

KFR-Valkyrjur eru með hæsta meðaltal liðs 172,21, KFR-Afturgöngurnar eru með 165,79, ÍR-Buff er með 167,03, og ÍR-TT er með 164,31. KFR-Valkyrjur eiga hæsta leik liðs 800 (11. umferð) og hæstu seríu liðs 2.263 (9. umferð).

Dagný Edda Þórisdóttir KFR-Valkyrjum er með hæsta meðaltal deildarinnar með 191,5 að meðaltali í 40 leikjum, Ástrós Pétursdóttir ÍR-Buff er með 177,6 að meðaltali í leik í 42 leikjum og Ragna Matthíasdóttir KFR-Afturgöngunum er með 176,3 í 39 leikjum. Í keppni um stigameistararann er Linda Hrönn Magnúsdóttir ÍR-TT með 0,800 í 45 leikjum, Guðný Gunnarsdóttir er með 0,767 í 45 leikjum og Jóna Gunnarsdóttir KFR-Afturgöngunum er með 0,764 í 36 leikjum. Dagný Edda er með hæsta fellumeðaltal deildarinnar 4,85 að meðaltali í leik, Guðný er með 4,20 og Ástrós er með 3,60. Dagný Edda á hæsta leikinn 267, Linda Hrönn á 255 og Ástrós á 245. Dagný Edda á hæstu seríuna 720, Helga Sigurðardóttir KFR-Afturgöngunum á 604 seríu og Ragna Matthíasdóttir á hæst 595. (Hér eru einungis taldir upp keppendur sem spilað hafa 21 leik eða meira og geta þar með unnið til einstaklingsverðlauna).

Sjá stöðuna eftir 16. umferð

Í 17. umferð 1. deildar kvenna sem fer fram sunnudaginn 2. mars og þriðjudaginn 4. mars tekur ÍA á móti ÍFH-Eldingu á Skaganum. ÍR-SK tekur á móti KFR-Valkyrjum og ÍR-N tekur á móti ÍR-Buff í Öskjuhlíðinnni og þar mætast einnig ÍR-BK og KFR-Skutlurnar. ÍR-TT tekur síðan á móti KFR-Afturgöngunum í Egilshöll. ÍR-KK situr hjá í 17. umferð. Sjá dagskrána í 1. deild kvenna

Seinni hluta keppnistímabilsins er spilað í olíuburðinum 2010 EBT Bowltech Aalborg International 38 fet.

ÍR L heldur sigurgöngu sinni áfram og eins og hefur komið fram nokkuð öruggir upp á næsta tímabili Broskarlar halda smá fjarlægð á liðin í 3-5 sæti og nú eru einungis 4 umferðir eftir. Naddóður er svo gott sem fallinn í þriðju deild en ÍR Nas og Keila.is heyja harða baráttu um það hvort liðið kemst hjá því að fara með þeim. Tölfræðilega er ýmislegt hægt en svo er að sjá spilamennskuna á vellinum. Sjá stöðuna í 2. deild karla

 Á braut 1 og 2 áttust við Keila.is og Þrestir fyrsti leikurinn frekar jafn en Þrestir unnu 588-562,Keila.is tóku annan leikinn sem var ekki síður á jöfnu 650-637 en síðasta leikinn áttu Þrestir með 100 pinnum og kláruðu einvígið 1904-1791 eða 14-6.

Sjá stöðuna í 2. deild karla

Þrettánda umferð 1. deildar karla fór fram í vikunni. Tveimur leikjum er ólokið en þeir verða spilaðir um miðjan mars en það eru leikir Þórs og KFR Lærlinga sem fram fer 15. mars á Akureyri og leikur ÍA og KR c sem verður spilaður 16. mars á Akranesi.

KFR Stormsveitin – ÍR KLS   Egilshöll  25. febrúar.   6 – 14    2240 – 2416
KLS mættu ákveðnir til leiks og ætluðu greinilega ekki að tapa stigum í toppbaráttunni. Fyrstu tvo leikina tóku þeir nokkuð örugglega  1 – 5 og spiluðu yfir 830 í báðum leikjum. Í öðrum leik var mikil spenna vegna mögulegs 300 leiks hjá Arnari Sæbergs. Hann var kominn með níu í röð en opnaði svo tíunda ramma og endaði í 267.
Í þriðja leik snérist dæmið við og Stormsveitin var sterkari. Sá leikur endaði  4 – 2 og þá var það Stormsveitin sem fór í 817.
Hæstur hjá Stormsveitinni var Valgeir Guðbjarts með 637 en hjá KLS Einar Sig með 663 og Arnar Sæbergs með 638

ÍR PLS – KR A   Egilshöll 25. febrúar.   16 – 4   2428 – 2220

Þessi leikur fór nokkuð rólega af stað. Bæði lið ekkert að spila sérstaklega en PLS vann þó leikinn 5 – 1 og gaf tóninn fyrir það sem koma skyldi. PLS vann annan leikinn líka 5 – 1 og síðasta leikinn 4 – 2.
Það má segja að þar hafi þeir tapað einu stigi of mikið því eftir leikinn sitja þeir í öðru sæti, einu stigi á eftir ÍA W en með betra meðaltal.
Hæstur hjá PLS var Hafþór með 676 og Bjarni Páll með 618.  Hjá KR A var Davíð Löve með 601.

ÍA W – KR B   Akranesi 26. febrúar.   12 – 8  2321 – 2228

Á Skaganum áttust við topplið ÍA W og KR B sem eru að keppast um að komast í úrslitakeppnina. Leikurinn var í beinni á netinu og var hin besta skemmtun, jafn en samt kaflaskiptur.
Í fyrsta leik spiluðu bæði lið vel, yfir 800. Þann leik vann KR B með fjórum pinnum og úrslit urðu 2 – 4. Annar leikurinn var ekki vel spilaður, hvorugt liðið fór yfir 700 og heildina unnu KR B á einum pinna.  Úrslit leiksins urðu 3 – 3. Þá tóku Skagamenn við sér, spiluðu 833 í síðasta leik á móti 735 hjá KR B og unnu leikinn 5 – 1 og viðureignina 12 – 8.
Skúli Freyr í ÍA W spilað frábærlega og var nálægt því að taka hæstu seríu í deildinni af Herði Einars í KR C. Skúli spilaði 716 en sería Harðar er 717. Hæstur hjá KR B var Bragi Már en hann spilaði 243.

 Sjá stöðuna eftir 13. umferð

Aðalfundur Keiludeildar ÍR verður haldinn í ÍR-heimilinu, Skógarseli 12, fimmtudaginn 6. mars kl. 20:00.  Dagskrá fundarins er hér

 Fjórða og síðasta umferð mótsins verður leikin næst komandi sunnudag og úrslitin strax á eftir.  Mótið hefst að venju kl. 19.  Það eru líkur á spennandi lokaumferð og þó nokkur pör sem eiga möguleika á fjórum efstu sætunum.  Staðan í mótinu er hér.  Úrslitin eru leikin allir við alla, einföld umferð, og telja þrjár hæstu seríur, án forgjafar, til sæta í úrslitum.

13. umferð í 2. deild karla fór fram í kvöld. ÍR L komið með annan fótinn í fyrstu deild á toppnum með 200 stig. Sjá stöðuna í 2. deild karla

Sjá stöðuna í 2. deild karla

Í síðustu viku fór fram keppni í 15. umferð 1. deildar kvenna. KFR-Afturgöngurnar tóku á móti KFR-Valkyrjum í Öskjuhlíðinni og unnu mikilvægan 14 – 6 sigur í toppbaráttunni og náðu með því að halda efsta sæti deildarinnar með 208 stig. ÍR-TT tók á móti KFR-Skutlunum í Egilshöllinni og eftir mikla baráttu lauk leiknum 16 – 4 og ÍR-TT fór því upp í 2. sætið með 206 stig.

KFR-Valkyrjur sem eru ein toppliðanna búnar að sitja hjá koma síðan í 3. sæti með 199 stig og ÍR-Buff sem vann stórsigur á ÍR-BK á útivelli í Öskjuhlíðinni er í 4. sæti með 194,5 stig. Lið ÍA tók á móti ÍR-KK á Skaganum og vann stórsigur 17 – 3 og vann sig upp um 2 sæti. ÍR-SK vann ÍFH-Eldingu í Öskjuhlíðinni 14 – 6.

Úrslit leikja í 15. umferð voru eftirfarandi:
ÍA – ÍR-KK 17 – 3
ÍR-BK – ÍR-Buff 3 – 17
ÍR-SK – ÍFH-Elding 14 – 6
KFR-Afturgöngurnar – KFR-Valkyrjur 14 – 6
ÍR-TT – KFR-Skutlurnar 16 – 4

Hæstu seríur umferðarinnar spiluðu Ragna Matthíasdóttir KFR-Afturgöngunum 595, Dagný Edda Þórisdóttir KFR-Valkyrjum 580 og Sigurlaug Jakobsdóttir ÍR-Buff 570. ÍR-Buff spilaði hæstu seríuna 2.104 og hæsta leikinn 743.

Staðan í 1. deild kvenna að lokinni 15. umferð:
1. KFR-Afturgöngurnar 208 (14)
2. ÍR-TT 206 (14)
3. KFR-Valkyrjur 199 (13)
4. ÍR-Buff 194,5 (14)
5. ÍR-BK 153,5 (14)
6. ÍR-N 126 (13)
7. ÍFH-Elding 105 (14)
8. ÍA 97 (13)
9. KFR-Skutlurnar 88 (13)
10. ÍR-KK 85,5 (14)
11. ÍR-SK 37,5 (14)
(fjöldi leikja í sviga)

KFR-Valkyrjur eru með hæsta meðaltal liðs 172,21, KFR-Afturgöngurnar eru með 165,79, ÍR-Buff er með 165,92, og ÍR-TT er með 164,18. KFR-Valkyrjur eiga hæsta leik liðs 800 (11. umferð) og hæstu seríu liðs 2.263 (9. umferð).

Dagný Edda Þórisdóttir KFR-Valkyrjum er með hæsta meðaltal deildarinnar með 190,6 að meðaltali í 37 leikjum, Ástrós Pétursdóttir ÍR-Buff er með 176,8 að meðaltali í leik í  39 leikjum og Ragna Matthíasdóttir KFR-Afturgöngunum er með 176,3 í 39 leikjum. Í keppni um stigameistararann er Linda Hrönn Magnúsdóttir ÍR-TT með 0,833 í 42 leikjum, Guðný Gunnarsdóttir er með 0,774 í 42 leikjum og Dagný Edda er með 0,770. Dagný Edda er með hæsta fellumeðaltal deildarinnar 4,81 að meðaltali í leik, Guðný er með 4,21 og Ástrós er með 3,59. Dagný Edda á hæsta leikinn 267, Linda Hrönn á 255 og Ástrós á 245. Dagný Edda á hæstu seríuna 720, Helga Sigurðardóttir KFR-Afturgöngunum á 604 seríu og Ragna Matthíasdóttir á hæst 595. (Hér eru einungis taldir upp keppendur sem spilað hafa 21 leik eða meira og geta þar með unnið til einstaklingsverðlauna)

Sjá stöðuna eftir 15. umferð

Í 16. umferð 1. deildar kvenna sem fer fram þriðjudaginn 26. febrúar mætast KFR-Valkyrjur og ÍR-TT í Egilshöll og ÍR-Buff tekur á móti ÍA. Í Öskjuhlíðinni mætast KFR-Skutlurnar og ÍR-SK, ÍFH-Elding og ÍR-BK og ÍR-KK og ÍR-N. KFR-Afturgöngurnar sitja hjá í 16. umferð. Sjá dagskrána í 1. deild kvenna

Seinni hluta keppnistímabilsins er spilað í olíuburðinum 2010 EBT Bowltech Aalborg International 38 fet.

Katrín Fjóla Bragadóttir ÍR og Guðmundur Ingi Jónsson ÍR eru Íslandsmeistarar unglinga í Opnum flokki 2014. Í 2. sæti voru Hlynur Örn Ómarsson ÍR og Natalía G. Jónsdóttir ÍA og í 3. sæti voru Benedikt Svavar Björnsson ÍR og Jóhanna Guðjónsdóttir ÍA. Alls tóku 38 keppendur þátt í mótinu að þessu sinni og kepptu í 5 flokkum pilta og stúlkna. Sjá lokastöðuna eftir 4. keppnisdag hér og úrslit allra flokka eru hér  Stjórn KLÍ óskar öllum Íslandsmeisturum innilega til hamingju með titlana og öllum keppendum fyrir drengilega keppni.