KFR-Valkyrjur og ÍR-KLS eru Bikarmeistarar liða í keilu 2014, en liðin tryggðu sér sigur í úrslitum Bikarkeppni liða í keilu 2014 sem fóru fram í Keiluhöllinni Egilshöll miðvikudagskvöldið 23. apríl.

KFR-Valkyrjur voru að vinna titilinn í áttunda sinn, en þær voru meðal annars Bikarmeistarar 6 ár í röð á árunum 2004 til 2009. ÍR-KLS vann titililinn fimmta árið í röð og í tíunda skipti alls.

Lið ÍR-KLS vann lið KFR-Lærlinganna í bráðabana eftir fjóra leiki sem fóru 2 – 2. ÍR-KLS vann fyrstu tvo leikina, fyrri leikinn með 891 gegn 814 hjá KFR-Lærlingum og annan leikinn með stórleik uppá 945 á móti 808. KFR-Lærlingar létu það þó ekki slá sig útaf laginu og komu ákveðnir til leiks í þriðja leik og unnu hann með 815 á móti 800 hjá ÍR-KLS. Ákveðnir í að halda uppteknum hætti unnu KFR-Lærlingar svo fjórða leikinn með 837 á móti 793 hjá ÍR-KLS og tryggðu sér þar með bráðabana.

Undir lok fjórða leiksins fór brunakerfið í gang og gall kallkerfið við í hæsta styrk með fagurri kvenmannsrödd sem bað viðstadda ítrekað um að halda kyrru fyrir  á meðan komist væri að því hvað væri að, það endaði svo með því að allir voru beðnir um að rýma húsið og fór að finnast vond lykt og reykjarský sást í salnum. Allt endaði þetta vel og þurftum við ekki að yfirgefa salinn að fullu enda hafði bara brunnið yfir mótor á einni brautinni innst í húsinu og var húsið reyk og lyktarræst með því að opna allt uppá gátt og fannst fólki þá loftræstingin loksins virka í salnum og vera viðunandi hitastig þar.

Þegar allir voru komnir inn aftur var tekið til við að spila 9-10 ramma, KFR-Lærlingar felldu allir í 9. ramma en ÍR-KLS náðu 2 feykjum, opnum og einni fellu í 9. ramma og voru frekar niðurlútir í upphafi 10. ramma, en það breyttist fljótt þegar fyrstu mönnum Lærlinganna mistókst að halda uppteknum hætti og náðu ÍR-KLS að klára leikinn með 145 gegn 127 hjá KFR-Lærlingum. Samtals spiluðu ÍR-KLS 3574 eða 212,74 að meðaltali en KFR-Lærlingar spiluðu samtals 3401 eða 202,44 að meðaltali.

Lið KFR-Valkyrjanna vann lið ÍR-Buff 3 – 1. KFR-Valkyrjur unnu fyrstu tvo leikina, þann fyrri með einungis 8 pinna mun, 720 gegn 712 hjá ÍR-Buff og annan leikinn með 658 gegn 562. ÍR-Buff konur komu ákveðnar til leiks í þriðja leik og unnu hann með 715 gegn 630 hjá KFR-Valkyrjum. Fjórða leikinn unnu svo KFR-Valkyrjur með 646 gegn 624 hjá ÍR-Buff eftir tafir vegna rýmingar. Samtals spiluðu KFR-Valkyrjur 2654 eða 165.88 að meðaltali í leik en ÍR-Buff spilaði samtals 2613 eða 163,31 að meðaltali.

Sjá leikskýrslur og skor HÉR.

Það var lið ÍR-PLS sem bar sigur úr býtum í úrslitum Deildarbikars liða 2013 – 2014 sem fram fóru í Keiluhöllinni Egilshöll þriðjudaginn 22. apríl. Leikmenn ÍR-PLS mættu  til keppni þyrstir í sigur og unnu 4 leiki af 5 og fengu 8 stig og hlutu þar með titilinn sem þeir unnu einnig árin 2007 og 2008. Í 2. sæti urðu KFR-Afturgöngurnar með 6 stig og unna innbyrðis viðureign við ÍR-KLS sem varð í 3. sæti einnig með 6 stig.

Á myndinni eru liðsmenn ÍR-PLS þeir Hafþór Harðarson, Einar Már Björnsson, Róbert Dan Sigurðsson, Bjarni Páll Jakobsson og Hörður Ingi Jóhannsson.

 Úrslit keppninnar urðu sem hér segir:

1. sæti ÍR-PLS  8 stig
2. sæti KFR-Afturgöngurnar 6 stig
3. sæti ÍR-KLS  6 stig
4. sæti ÍR-TT  4 stig
5. sæti ÍA-W  4 stig
6. sæti KR-B   2 stig 

Sjá leikskýrslur og skor HÉR.

Arnar Sæbergsson landsliðsþjálfari karla í keilu hefur valið 20 manns í afrekshóp karla.

Eftirtaldir skipa hópinn:

Hópurinn er boðaður á fund í höfuðstöðvum ÍSÍ í Laugardal, sal D, miðvikudaginn 14. maí kl. 18:00.

Landsliðsnefnd KLÍ

Lið ÍR 1 er Íslandsmeistari unglingaliða fjórða árið í röð, en liðið tryggði sér titilinn í úrslitakeppni mótsins sem fór fram í  Keiluhöllinni í Egilshöll laugardaginn 29. mars s.l. Deildarmeistararnir ÍA 1 urðu í 2. sæti og lið KFR 1 og ÍR 2 höfnuðu í 3. –  4. sæti. Í liði ÍR 1 voru Erlingur Sigvaldason, Þorsteinn Hanning Kristinsson, Ágúst Ingi Stefánsson og Steindór Máni Björnsson. Erlingur og Þorsteinn spiluðu best allra í úrslitunum. Sjá úrslit leikja og skor í úrslitakeppninni

Liðin sem kepptu í úrslitakeppni Íslandsmóts unglingaliða 2014. KFR 1, ÍR 2, Deildarmeistararnir ÍA 1 og Íslandsmeistararnir ÍR 1.

Á Íslandsmóti unglingaliða eru spilaðar 5. umferðir á keppnistímabilinu og síðan keppa fjögur efstu liðin til úrslita. Keppt er í þriggja manna liðum og þátttökurétt hafa unglingar sem eru félagar í keilufélagi og eru í 5. – 10. bekk grunnskóla. Að þessu sinni eru fimm lið skráð til leiks, tvö lið frá ÍA, tvö lið frá ÍR og eitt lið frá KFR. Í hverri umferð er spiluð einföld umferð allir við alla, eða 4 leikir. Efsta liðið að loknum þessum 5 umferðum hlýtur titilinn Deildarmeistari unglingaliða, en efstu fjögur liðin keppa síðan til úrslita þar sem  liðið í 1. sæti keppir við liðið í 4. sæti og liðið í 2. sæti keppir við liðið í 3. sæti og það lið sem fyrr vinnur tvo leiki keppir til úrslita. Það lið sem fyrr vinnur tvo leiki í úrslitunum sigrar og hlýtur nafnbótina „Íslandsmeistari unglingaliða.“

Sjá nánar um Íslandsmót unglingaliða og dagskrá unglingamóta í vetur.

Úrslit Bikarkeppni liða 2014 fara fram í Keiluhöllinni Egilshöll á morgun miðvikudaginn 23. apríl og hefst keppni kl. 19:00. Til úrslita í kvennaflokki keppa bikarmeistararnir KFR-Valkyrjur og ÍR-Buff sem hefur möguleika á að tryggja sér titilinn í fyrsta skipti. Í karlaflokki mæta bikarmeistararnir ÍR-KLS liði KFR-Lærlinga sem tryggðu sér sæti í úrslitunum með 3 – 1 sigri á ÍA í síðasta leiknum í undanúrslitunum.

ÍR-KLS hafa unnið Bikarmeistaratitilinn oftast allra karlaliða og geta með sigrinum tryggt sér titlinn í 10. sinn og 5. árið í röð. KFR- Valkyrjur hafa unnið titilinn 7 sinnum og einungis KFR-Afturgöngurnar hafa unnið titilinn oftar eða 12 sinnum. KFR-Lærlingar hafa orðið bikarmeistarar 4 sinnum og eins og áður segir þá hefur ÍR-Buff nú möguleika á að tryggja sér titilinn í fyrsta sinn.

Fimmta og síðasta umferð Meistarakeppni ungmenna fór fram í Keiluhöllinni í Öskjuhlíð laugardaginn 22. mars. Að þessu sinni tóku þátt 45 keppendur sem kepptu í 5 aldursflokkum. Bestu spilamennsku umferðar áttu Hlynur Örn Ómarsson ÍR sem spilaði 1.151 í 6 leikjum, Aron Fannar Benteinsson ÍA með 1.121 og Benedikt Svavar Björnsson ÍR með 1.052. Hjá stúlkunum var Katrín Fjóla Bragadóttir ÍR með 1.046 og Natalía G. Jónsdóttir ÍA með 1.040.

Meistarar ungmenna á árinu 2014 eru í 1. flokki Hafdís Pála Jónasdóttir KFR og Andri Þór Göthe ÍR. Í 2. flokki Katrín Fjóla Bragadóttir ÍR og Hlynur Örn Ómarsson ÍR. Í 3. flokki Helga Ósk Freysdóttir KFR og Jökull Byron Magnússon KFR. Í 4. flokki Elva Rós Hannesdóttir ÍR og Hinrik Óli Gunnarsson ÍR. Sjá stöðuna eftir 5. umferð og úrslit mótsins

Í Meistarakeppni ungmenna taka þátt börn og ungmenni, 20 ára og yngri sem æfa hjá keilufélögunum og er skráning í mótið hjá þjálfurum félaganna. Keppni í Meistarakeppni ungmenna í keilu fer fram u.þ.b. mánaðarlega yfir veturinn, sjá leikdaga í dagskrá 

Keppt er í fimm aldursflokkum:
1. flokkur 18 – 19 – 20 ára
2. flokkur 15 – 16 – 17 ára
3. flokkur 12 – 13 – 14 ára
4. flokkur 9 – 10 – 11 ára
5. flokkur 7 – 8 ára
Keppendur í 1., 2. og 3. flokki spila 6 leiki, en keppendur í 4. og 5. flokki spila 3 leiki.

Miða skal við afmælisár, en keppendur halda sínum flokki fram yfir áramótin og til loka móts.

Raðað er í sæti eftir heildarskori í hverjum flokki í hverri umferð. Stig eru gefin fyrir öll sæti í hvert skipti. Stigagjöf er eftirfarandi:
1. sæti hlýtur 12 stig
2. sæti hlýtur 10 stig
3. sæti hlýtur 8 stig
4. sæti hlýtur 7 stig
5. sæti hlýtur 6 stig
6. sæti hlýtur 5 stig
7. sæti hlýtur 4 stig
8. sæti hlýtur 3 stig
9. sæti hlýtur 2 stig
10. sæti og neðar hlýtur 1 stig

Sjá nánar í regluferð um Meistarakeppni ungmenna

Úrslitakeppni Deildarbikars liða fer fram í Keiluhöllinni Egilshöll á morgun þriðjudaginn 22. apríl og hefst keppni kl. 19:00. Tvö efstu liðin úr hverjum riðli keppa þar til úrslita um Deildarbikarinn, en það eru ÍR-PLS, ÍR-TT, KFR-Afturgöngurnar, KR-B, ÍR-KLS og ÍA-W og eiga ÍR-KLS titil að verja.

Sjá leikjaröð og brautir HÉR.

Í gær lauk keppni á Evrópumóti unglinga með úrslitakeppni 24 efstu keppendanna í pilta- og stúlknaflokki eftir alla keppnina (All-Event). Sigurvegari í stúlknaflokki var Lea Degenhardt Þýskalandi sem sigraði Keira Reay Englandi ír úrslitunum 2 – 1.  Sigurvegari í piltaflokki var Pontus Andersson Svíþjóð sem vann Markus Bergendorff Danmörku í úrslitunum 2 – 1. Sjá nánar úrslit á heimasíðu mótsins

Í dag fór fram einstaklingskeppni stúlkna á Evrópumóti unglinga. Katrín Fjóla Bragadóttir spilaði í holli 1 sem hóf keppni kl. 9:00 í morgun eða kl. 7:00 að íslenskum tíma. Leikir hennar voru 181, 180, 193, 178, 174 og 159, samtals 1.065 og endaði hún í 34 sæti með 177, 5 að meðaltali og er það besti árangur íslenskrar stúlku á Evrópumóti unglinga.

Natalía G. Jónsdóttir  og Jóhanna Ósk Guðjónsdóttir spiluðu í holli 2 sem hóf keppni kl. 13:15 að staðartíma eða kl. 11:15 að íslenskum tíma. Leikir Natalíu voru 152, 147, 160, 164, 147 og 183, samtals 953 og endaði hún í 54. sæti með 158,8 að meðaltali. Leikir Jóhönnu voru 151, 152, 162, 114, 180 og 151, samtals 910 og hafnaði hún í 58. sæti með 151,7 að meðaltali.

34  Katrín Fjóla Bragadóttir ISL 181 180 193 178 174 159 1065  177,5
54  Natalía Jónsdóttir ISL 152 147 160 164 147 183 953  158,8
58  Jóhanna Gudjónsdottir ISL 151 152 162 114 180 151 910  151,7

Maria Bulanova Rússlandi sigraði Cajsa Wegner Svíþjóð með 201 á móti 180 í úrslitum einstaklingskeppninnar. Í 3. sæti urðu Keira Reay Englandi og Emelie Tiveljung Svíþjóð.

Fylgist með keppninni á heimasíðu mótsins og Facebook síðunni

Í dag fór fram einstaklingskeppni pilta á Evrópumóti unglinga. Guðmundur Ingi Jónsson og Hlynur Örn Ómarsson spiluðu í holli 1 sem hóf keppni kl. 9:00 í morgun eða kl. 7:00 að íslenskum tíma. Guðmundur Ingi spilaði samtals 1036 og voru leikir hans 145, 179, 166, 177, 168 og 201 og endaði hann í 75. sæti. Hlynur Örn spilaði samtals 994 og voru leikir hans 137, 190, 161, 171, 154 og 181 og hafnaði hann í 86. sæti.

Andri Freyr Jónsson og Aron Fannar Benteinsson spiluðu í holli 2 sem hóf keppni kl. 13:15 að staðartíma eða kl. 11:15 að íslenskum tíma. Andri Freyr spilaði samtals 1126 og voru leikir hans 195, 193, 179, 211, 233 og 115 og endaði hann í 48. sæti. Aron Fannar spilaði samtals 883 og voru leikir hans 138, 156, 156, 120, 167, 167 og 146 og hafnaði í 96. sæti.

Andri Freyr Jonsson  ISL 195 193 179 211 233 115 1126  187,7
Gudmundur Ingi Jónsson ISL 145 179 166 177 168 201 1036  172,7
Hlynur Örn Ómarsson ISL 137 190 161 171 154 181 994  165,7
Aron Fannar Benteinsson ISL 138 156 156 120 167 146 883  147,2

Í úrslitunum sigraði Markus Bergendorff Danmörku Igor Filippov Rússlandi með 250 á móti 187. Í 3. sæti voru Martin Øager Danmörku og Marawan Aernoudt Belgíu.

Fylgist með keppninni á heimasíðu mótsins og Facebook síðunni