Keppni á Íslandsmóti unglinga hófst í Keiluhöllinni í Egilshöll í dag. Keppendur í 1. og 2. flokki spiluðu 6 leiki, en keppendur í 3., 4. og 5. flokki spiluðu 3 leiki. Hlynur Örn Ómarsson ÍR, Guðmundur Ingi Jónsson ÍR, Benedikt Svavar Björnsson ÍR, Aron Fannar Benteinsson ÍA og Andri Freyr Jónsson KFR spiluðu best allra keppenda í dag og spiluðu allir um og yfir 1100 í 6 leikjum. Staðan eftir fyrsta keppnisdag hér

Breytingar hafa verið gerðar á dagskrá Keilusambands Íslands í maí. Lokaumferð Íslandsmóts félaga verður miðvikudaginn 14. maí í Egilshöllinni. Úrslit í Utandeild verða leikin fimmtudaginn 15.maí í Öskjuhlíð og síðast en ekki síst verður ÁRSHÁTÍÐ KLÍ föstudaginn 16. maí á Rúbín. Sjá nánar í dagskrá

Í kvöld var dregið í 4 liða úrslit kvenna og karla í Bikarkeppni liða. Í 4 liða úrslitum karla mætast ÍA og KFR Lærlingar og fer leikur þeirra fram í Keilusalnum á Skaganum miðvikudaginn 12. mars. KR-D tekur hins vegar á móti bikarmeisturum ÍR KLS í Keiluhöllinni í Öskjuhlíðinni fimmtudaginn 13. mars.

Í 4 liða úrslitum kvenna taka bikarmeistararnir KFR-Valkyrjur á móti KFR-Afturgöngunum í Keiluhöllinni í Egilshöll miðvikudaginn 12. mars, en leikur ÍR BK og ÍR-Buff fer fram í Keiluhöllinni í Öskjuhlíð fimmtudaginn 13. mars.

Tveir leikir fóru fram í 3. deild karla. KR ingar halda áfram að hala inn stig og eru næsta öruggir upp um deild. 

 12. umferð er nú lokið í 2. deild karla. ÍR-L stungið af og ÍR-Broskarlar tapa öðrum leiknum í röð.

Í dag fór fram síðasti leikurinn í 8 liða úrslitunum Bikarkeppni liða uppi á Skaga og fóru leikar þannig að ÍA hafði sigur á móti ÍA-W 3 -0 eða 2181 – 2120

Minnum á að dregið verður í 4 liða úrslit kvenna fyrir leik í Öskjuhlíðinni þriðjudaginn 18. febrúar. Í úrslitunum eru KFR Valkyrjur, KFR Afturgöngur, ÍR Buff og ÍR BK, og hjá körlunum verður dregið fyrir leik í Egilshöllinni sama kvöld og þar eru í úrslitum ÍR KLS, KFR Lærlingar, ÍA og KR D. 

Í dag hefst keppni að nýju á Íslandsmóti liða eftir 2 vikna hlé vegna annarra móta. Í dag laugardaginn 15. febrúar mætast Þór og ÍR-KLS í Keilunni á Akureyri kl. 15:00 í síðasta leiknum í 11. umferð 1. deildar karla og á morgun sunnudaginn 16. febrúar fara þrír leikir fram á Skaganum. ÍA-B tekur á móti ÍR-Fagmönnum í fyrsta leiknum í 14. umferð 2. deildar karla kl. 10:00. Skagakonur í ÍA taka á móti ÍR-KK í fyrsta leik 15. umferðar 1. deildar kvenna kl. 13:00 og ÍA-W tekur á móti ÍR-PLS í fyrsta leiknum í 12. umferð 1. deildar karla kl. 16:00.

Á mánudag 17. febrúar mætast KFR-Lærlingar og KFR-Stormsveitin í Egilshöllinni í 1. deild karla og sex leikir fara fram í Öskjuhlíðinni í 2. og 3. deild karla. Þriðjudaginn 18. febrúar fara síðan fram aðrir leikir í 1. deild karla og kvenna. Sjá nánar í dagskrá

Sjá stöðuna í deildunum

Keppni í 4. umferð Deildarbikars liða fór fram þriðjudaginn 4. febrúar. Liðin í A riðli kepptu í Öskjuhlíðinni, en liðin í B og C riðli kepptu í Egilshöll. Staðan að lokinni 4. umferð er þannig að ÍR-PLS hefur aukið forystu sína í efsta sæti A-riðils með 40 stig, 6 stigum meira en ÍR-TT sem er í 2. sæti með 34 stig, einu stigi meira en KR-A sem kemur í 3. sæti með 33 stig, en ÍR-L er í 4. sæti með 29 stig. Í B-riðli eru KFR-Afturgöngurnar í efsta sæti með 30 stig og ÍR-Buff er komið í 2. sætið með 26 stig, einu stigi meira en KR-B sem kemur í 3. sæti með 25 stig, en ÍA er í 4. sæti með 20 stig. Í C riðli er ÍR-KLS í efsta sæti með 30 stig fjórum stigum meira en ÍA-W sem er í 2. sæti með 26 stig. Í 3. sæti er KR-C með 22 stig, en ÍR-Broskarlar eru komnir í 4. sæti með 16 stig. Sjá stöðuna í mótinu

Alls keppa 19 lið í Deildarbikar á þessu keppnistímabili og skiptast þau í þrjá riðla, 7 lið í A riðli og 6 lið í B og C riðlum. Sjá nánar upplýsingar um leikdaga, riðlaskiptingu og leiki í hverri umferð.

Olíuburður í Deildarbikar liða er Middle Road 39 fet

Birt hefur verið allsherjarmeðaltal miðað við 31. janúar 2014

Hafþór Harðarson ÍR er í efsta sæti meðaltalslistans og hækkar sig um 6 pinna frá síðasta mánuði og er nú með 220  pinna að meðaltali í leik, en hann spilaði 220 að meðaltali í leik í síðasta mánuði. Dagný Edda Þórisdóttir KFR er efst kvenna á listanum með 189 pinna og lækkaði lítillega milli mánaða. Magnús Magnússon ÍR kemur næstur á listanum yfir karlana með 213 að meðaltali í leik og Arnar Sæbergsson ÍR er þriðji með 212 að meðaltali. Hjá konunum er Alda Harðardóttir KFR í 2. sætið með 187 að meðaltali í leik, eins og Guðný Gunnarsdóttir ÍR.

Til meðaltals teljast síðustu 100 leikir fyrir mánaðamót fyrir útreikning meðaltals. Einnig eru birt mánaðar-, vetrar- og ársmeðaltöl keppanda.. Vetrarmeðaltal er reiknað útfrá leikjum á tímabilinu 1. júní til 31. maí. Þá kemur einnig fram hve langt er síðan síðasti leikur leikmanns sem taldi til meðaltals var leikinn, í dálkinum „Óvirkir mán.“ Hægt er að skoða þróun meðaltals og hvaða leikir teljast til síðustu 100 leikja undir Tölfræði og leikmenn

Íslandsmót einstaklinga með forgjöf verður haldið í Keiluhöllinni Öskjuhlíð og Keiluhöllinni Egilshöll dagana 8. – 11. mars n.k.

Sjá auglýsingu eða fara beint á skráningarsíðu.

 Forkeppnin fer fram í Keiluhöllinni Öskjuhlíð og Egilshöll laugardaginn 8. og sunnudaginn 9. mars og hefst kl. 10:00 báða dagana. Spilaðir eru 8 leikir í forkeppninni, 4 leikir í hvoru húsi.