Reglugerð KLÍ um Meistarakeppni

1. grein

Í upp­hafi hvers keppnis­tíma­bils skal fara fram leikur milli Ís­lands­meistara liða og Bikara­meistara liða, bæði í karla- og kvenna­flokki. Leikurinn skal fara fram áður en Ís­lands­mót liða hefst. Sé sama lið bæði Ís­lands- og Bikar­meistari skal það leika gegn því liði sem varð í öðru sæti í Bikar­keppninni.

2. grein

Leiknir skulu þrír leikir og skal leikið upp á heildar­skor. Verði jafnt að lokinni þriggja leikja seríu skal hver leikmaður sem lék síðasta leik kasta eitt upphafskast og ræður samtala úrslitum. Ef enn er jafnt bætist við eitt upphafskast þar til úr­slit liggja fyrir.

3. grein

Frestun er ekki tekin til greina. Ef lið getur ekki mætt skal bjóða öðru liði að keppa:

1. Íslandsmeistarar liða
2. Bikarmeistarar liða
3. Silfurhafar í Bikarkeppni liða
4. Silfurhafar í Íslandsmóti deildarliða í 1. deild.

4. grein

Móta­nefnd KLÍ sér um framkvæmd leiksins.

Hann skal haldinn á kostnað KLÍ, sem einnig útvegar verð­laun.

 

Breytt á þingi KLÍ 26. apríl 1997
Breytt á formannafundi KLÍ 16.apríl 2015