Reglugerð KLÍ um Íslandsmet í keilu

1. grein

Aðeins íslenskir ríkis­borgarar geta sett Ís­lands­met.

2. grein

Íslandsmet verða aðeins sett í A- og B-mótum.

1. Móts­haldari skal strax að loknum leik eða móti taka kúluna/kúlurnar til varð­veislu og koma henni/þeim til tækni­nefndar sem lætur athuga hvort hún/þær upp­fylli reglur FIQ/WTBA.
2. Móts­haldari/dómari skal fylla út eyðu­blað KLÍ um skráningu mets.

Eyðu­blaðið ásamt skor­blaði/glæru verður að berast KLÍ.

3. grein

Met er hægt að setja í eftir­farandi flokkum:

1. Einstaklingar:
   Allt að 9 leikja röð karla og kvenna
2. Tví­menningur:
   Allt að 9 leikja röð karla, kvenna og blönduðum
3. Para­keppni:
   Allt að 6 leikja röð
4. Liða­keppni karla og kvenna:
   deildar­lið:        Allt að 3 leikja röð 4ra manna lið
   deildarlið:        Allt að 5 leikja röð 3ja manna lið
   félags­lið:          Allt að 3 leikja röð 5 manna liða

Ís­lands­met para verður aðeins sett í sér­stökum para­mótum þar sem öll pörin saman­standa af karli og konu.

4. grein

Met geta verið sett í öllum flokkum unglinga 18 ára og yngri, samanber Reglugerð um Íslandsmót unglinga, í eftir­farandi leikjum. Miða skal við afmælisdag.

1. Einstaklingar
   Allt að 9 leikja röð pilta og stúlkna.
2. Liða­keppni
   Allt að 6 leikja röð 3ja manna liða.

Flokkar:

• 17-18 (Frá og með 17 ára afmælisdegi til 19 ára afmælis).
• 15-16 (Frá og með 15 ára afmælisdegi til 17 ára afmælis).
• 13-14 (Frá og með 13 ára afmælisdegi til 15 ára afmælis).
• 11 – 12 (Frá og með 11 ára afmælisdegi til 13 ára afmælis.
• 10 og yngri (Allir sem ekki hafa orðið 11 ára).

5. grein

Met verða ekki viðurkennd nema leikið sé að minnsta kosti á tveim brautum, nema í 4. flokk í Meistarakeppni ungmenna og 3. og 4. flokk á Íslandsmóti unglinga. Met í 4ra leikja röð eða meira verða því aðeins viðurkennd að leikið sé á fjórum brautum eða fleiri.

6. grein

Ís­lands­met í einum leik er hægt að setja hvar sem er í leikja­röð. Ekki skal skrá jöfnun meta nema að það sé hámarksskor. Þegar hámarksskori er náð verður annað há­marks­skor sem á eftir kemur ekki skráð sem met heldur skráð sér­stak­lega sem jöfnun á meti.

7. grein

Met í leikja­röð er aðeins hægt að setja þannig að talið er frá fyrsta leik í lotu og lotan sé ós­litin.

Þannig er t.d. hægt að setja einstaklings­met í þriggja leikja röð í þriggja leikja seríu í liða­keppni, í þrem fyrstu leikjunum í 4ra leikja seríu í tví­menningi eða í þrem fyrstu leikjunum í

8 leikja undan­úr­slitum. Lota telst ekki slitin nema a.m.k. 30 mínútur séu á milli leikja.

8. grein

Met gildir þar til nýtt met er til­kynnt og viðurkennt af KLÍ. Nái fleiri en einn leik­maður meti í sama móti teljast þeir allir vera met­hafar. Sé met slegið í sama móti og met var sett í telst aðeins hæsta niður­staða vera met.

Breytt á formannafundi 29. apríl 2009

Breytt á formannafundi 01.september 2015

Breytt á fundi stjórnar 13. april 2023