Evrópukeppni ungmenna lokið – Brons í tvímenningi pilta

Jóhann Ágúst Jóhannsson
Árangur keilara, Mót ETBF

Nú hafa íslensku keppendurnir lokið keppni á EYC2026 en mótið sjálft klárast á morgun sunnudaginn 5. apríl með keppni 16 efstu pilta og stúlkna í Masterkeppninni – Bronsverðlaun þeirra Ásgeirs Karls og Tristan Mána er hápunktur keppninnar.

Í heildarkeppninni spilaði Ásgeir Karl Gústafsson best íslensku piltanna en hann endaði í 26. sæti af 112 keppendum með 213,7 í meðaltal Alls þurfi 218,3 til að komast í topp 16 hjá piltunum. Bára Líf Gunnarsdóttir spilaði best íslensku stúlknanna en hún endaði í 29. sæti af 57 með 185,7 í meðaltal en hjá stúlkunum þurfti 201,4 til að komast í topp 16.

Í einstaklingskeppni pilta varð það Svavar Steinn Guðjónsson sem spilaði best, varð í 47. sæti með 1.220 seríu / 203,3 og hjá stúlkunum varð það Bára Líf sem endaði í 16. sæti með 1.179 seríu / 196,5.

Í tvímenningskeppni pilta voru það þeir Ásgeir Karl og Tristan Máni sem enduðu í 4. sæti og komust því í úrslitakeppnina í því móti þar sem þeir töpuðu naumlega gegn danska tvímenninginum og þar sem ekki er spilað um 3. sætið fengu þeir bronsverðlaun ásamt austurríska tvímenningnum.

Hjá stelpunum í tvímenningu voru það þær Julía Filippa Lindén og Alexandra Erla Guðjónsdóttir sem enduðu í 21. sætinu.

Í liðakeppninni enduðu piltarnir í 8. sæti með 4.887 / 203,6 og stúlkurnar enduðu í 10. sæti með 4.137 / 172,4.

Hér eru síðan lokastöður krakkanna eftir mótið, allar nánari upplýsingar um mótið má finna á vefsíðu þess.

Name Gender G1 G2 G3 G4 G5 G6 Total AVG
Svavar Steinn Gudjonsson Boys 229 206 205 193 204 183 1220 203,3
Asgeir Karl Gustafsson Boys 177 213 202 200 217 207 1216 202,7
Tristan Mani Ninuson Boys 248 142 257 171 205 174 1197 199,5
Bara Lif Gunnarsdottir Girls 205 233 191 150 156 244 1179 196,5
Alexandra Erla Gudjonsdottir Girls 237 159 186 182 157 221 1142 190,3
Thorgils Larus Davidsson Boys 185 171 243 157 238 139 1133 188,8
Saeros Erla Johonnudottir Girls 224 182 206 163 147 157 1079 179,8
Julia Filippa Lindén Girls 167 204 147 177 144 156 995 165,8

 

Name Gender G1 G2 G3 G4 G5 G6 Total AVG
Asgeir Karl Gustafsson Boys 221 216 215 242 244 247 1385 230,8
Tristan Mani Ninuson Boys 217 267 227 226 163 220 1320 220
Svavar Steinn Gudjonsson Boys 211 143 150 189 246 225 1164 194
Thorgils Larus Davidsson Boys 212 190 192 191 162 213 1160 193,3
Bara Lif Gunnarsdottir Girls 192 131 175 170 190 217 1075 179,2
Julia Filippa Lindén Girls 182 193 170 128 177 160 1010 168,3
Alexandra Erla Gudjonsdottir Girls 133 150 214 210 148 145 1000 166,7
Saeros Erla Johonnudottir Girls 147 183 136 135 147 162 910 151,7

Team
Name Gender G1 G2 G3 G4 G5 G6 Total AVG
Svavar Steinn Gudjonsson Boys 222 184 246 215 193 224 1284 214
Asgeir Karl Gustafsson Boys 247 211 213 197 166 211 1245 207,5
Tristan Mani Ninuson Boys 227 131 182 198 210 255 1203 200,5
Thorgils Larus Davidsson Boys 192 188 193 191 189 202 1155 192,5
Bara Lif Gunnarsdottir Girls 190 215 176 161 180 167 1089 181,5
Alexandra Erla Gudjonsdottir Girls 186 170 207 149 190 170 1072 178,7
Saeros Erla Johonnudottir Girls 158 159 188 171 170 210 1056 176
Julia Filippa Lindén Girls 165 145 114 169 178 149 920 153,3

All Event
# Name Gender Singles Doubles Team Total AVG
29 Bara Lif Gunnarsdottir Girls 1179 1075 1089 3343 185,7
35 Alexandra Erla Gudjonsdottir Girls 1142 1000 1072 3214 178,6
44 Saeros Erla Johonnudottir Girls 1079 910 1056 3045 169,2
52 Julia Filippa Lindén Girls 995 1010 920 2925 162,5
26 Asgeir Karl Gustafsson Boys 1216 1385 1245 3846 213,7
41 Tristan Mani Ninuson Boys 1197 1320 1203 3720 206,7
45 Svavar Steinn Gudjonsson Boys 1220 1164 1284 3668 203,8
73 Thorgils Larus Davidsson Boys 1133 1160 1155 3448 191,6

Ásgeir Karl og Tristan Máni með brons í tvímenningi á EYC2026

Jóhann Ágúst Jóhannsson
Árangur keilara, Mót ETBF

Í dag náðu þeir félagar þeim frábæra árangri að næla sér í brons í tvímenningi á Evrópumóti ungmenna 2026 sem er haldið í Berlín. Eins og kunnugt er þá er tvímenningur ein af keppnum svona móta og spiluðu þeir Ásgeir Karl og Tristan Máni í fjórða og síðasta riðli tvímenninskeppninnar. Enduð þeir þar í öðru sæti með 2.705 pinna eða 225,4 í meðaltal. Voru þeir á eftir Dönunum Tobias Kastfelt Bryde og Oscar Emil Porskrog sem spiluðu leikina 6 á 2.936 eða 244,7.

Fór það svo að í heildarkeppninni voru þeir félagar eins og áður segir í 4. sæti af alls 54 tvímenningum og mættu þeir danska tvímenninginum í undanúrslitum sem sigruðu forkeppnina.

Ásgeir Karl og Tristan Máni töpuðu undanúrslitunum naumlega þar sem úrslitin réðust í síðasta kasti Ásgeirs í 10. ramma þar sem hann fékk erfiða 8 glennu. Ef hann hefði náð skaplegra skoti, feykt og 9 í bónuskasti hefðu þeir komist í úrslitaleikinn. Grátlega nálægt voru þeir en samt stórkostlegt afrek að komast í úrslitin. Undanúrslitin fóru 449 hjá Dönum gegn 438 hjá okkar mönnum.

Fór það því svo að Danir léku til úrslita við Úkraínu sem vann hina viðureignina og eru því Evrópumeistarar í tvímenningi U18 í ár.

Til hamingju Ásgeir Karl, Tristan Máni og þjálfarar þeirra Mattias Möller og Katrín Fjóla.

Þetta er annað sinn sem Ísland vinnur brons á EYC móti en fyrir tveim árum tók Mikael Aron Vilhelmsson bron í Masters keppninni en árið Arnar Davíð Jónsson vann gull í Masterskeppninni árið 2011.

Evrópumót ungmenna 2026 að hefjast

Jóhann Ágúst Jóhannsson
Mót ETBF, Unglinganefnd

Í dag hefst Evrópumót ungmenna U18 en mótið er að þessi sinni haldið í Berlín og stendur mótið yfir til sunnudagsins 5. apríl.

Ísland sendir fullt hús einstaklinga til keppni eða 4 stúlkur og 4 pilta. Þau eru:

Stúlkur

  • Alexandra Erla Guðjónsdóttir
  • Bára Líf Gunnarsdóttir
  • Julia Sigrún Filippa Lindén
  • Særós Erla Jóhönnudóttir

Piltar

  • Ásgeir Karl Gústafsson
  • Svavar Steinn Guðjónsson
  • Tristan Máni Nínuson
  • Þorgils Lárus Davíðsson

Þjálfarar liðsins eru þau:

  • Mattias Möller
  • Katrín Fjóla Bragadóttir

Dagskrá Evrópumóts unglinga

Í dag hefst mótið á þjálfarafundi sem og fyrstu æfingum í salnum og í olíuburðinum sem er valinn í mótið.

Á morgun mánudaginn 30. mars hefst svo einstaklingskeppnin sem lýkur svo á þriðjudaginn með seinni leikjablokkinni og úrslitum.

Miðvikudag og fimmtudag fer svo fram tvímenningur og á föstudag og laugardag verður liðakeppni þar sem allir 4 þátttakendurnir spila í liðakeppninni.

Eins og fyrr segir lýkur mótinu sunnudaginn 5. apríl en þá verður Masterskeppni þeirra 16 efstu pilta og stúlkna úr öllu mótinu.

Hægt er að sjá allar upplýsingar um mótið á vefsíðu þess svo sem skor, dagskrána, hlekk í lifandi streymi og fleira.

Forkeppni lokið á Íslandsmóti öldunga

Valgerður Rún Benediktsdóttir
Innlend mót

Í dag lauk forkeppni á Íslandsmóti öldunga (50+). Þátttaka var mjög góð í ár en 38 keppendur, 16 konur og 22 karlar, tóku þátt í forkeppninni. 

Sex karlar og sex konur komust áfram í undanúrslit en þau verða spiluð annað kvöld, mánudaginn 30. mars kl: 19. Úrslit eru spiluð strax í kjölfarið og mun KLÍ streyma frá undanúrslitum og úrslitum á youtube síðu sambandsins.

Þórarinn Már Þorbjörnsson leiðir karlaflokkinn og Guðný Gunnarsdóttir leiðir kvennaflokkinn en ljóst er að keppnin um um að hreppa þrjú efstu sætin og leika til úrslita verður spennandi og hörð á morgun.

Undankeppni karla:

Undankeppni kvenna:

Arnar Davíð á USBC Masters

Jóhann Ágúst Jóhannsson
Árangur keilara, Önnur erlend einstaklingsmót

Þessa dagana fer fram eitt af risamótunum í Bandaríkjunum, USBC Masters sem er haldið af United States Bowling Congress , USBC, bandaríska keilusambandið. Þetta mót er eitt af Major mótum þar í landi þar sem allir helstu keppendur í heiminum reyna að komast að en fáir fá þátttökurétt.

Arnar Davíð byrjaði ótrúlega vel í mótinu. Forkeppnin er spiluð þannig að þrjár fimm leikja blokkir eru spilaðar. Í fyrstu blokkinni varð Arnar Davíð hvorki meira né minna í 6. sæti af 390 keppendum mótsins en hann var með 241,2 í meðaltal eftir leikina 5, alls 1.206 pinnar. Var hann í ráshóp A sem spilaði í ferskri olíu.

Næsta dag spilaði hann í ráshóp B sem spilar í olíunni sem var borin á fyrir A hópinn, en þá er olían sem eftir er á brautunum kölluð Burn burður. Arnar byrjaði sæmilega þar en lenti síðan á erfiðu brautarpari og átti slæman leik. Hann náði sé ekki alveg á strik eftir það en fór inn í síðasta daginn á ágætis skori samt sem áður en var kominn niður í 73. sæti með 217 í meðaltal. Sæmilegt skor klárlega.

Lokadaginn var Arnar í ráshóp C sem spilaði í ferskri olíu. Eitthvað sat dagurinn á undan í honum því hann náði sér aldrei almennilega upp og átti ekki góðan leik fyrr en í 5. og síðasta þegar hann spilaði 244.

Lokastaðan hjá honum var 177. sæti af 390 með 208,3 í meðaltal sem er samt frábær árangur hjá íslenskum keilara.

Arnar segir að hann hafi í raun verið sjálfum sér verstur þegar hann lítur til baka á mótið en gengur þó nokkuð sáttur frá mótinu.

Sjá má allar upplýsingar um mótið á vefsíðu þess.

Mótið heldur áfram um helgina og lýkur á sunnudaginn með úrslitaleikjum sem verða í beinni útsendingu á The CW Network.

Marika og Gunnar Íslandsmeistarar einstaklinga

Valgerður Rún Benediktsdóttir
Íslandsmót einstaklinga

Íslandsmóti einstaklinga lauk í gær og urðu þau Marika Katarina E. Lönnroth (KFR) og Gunnar Þór Ásgeirsson (ÍR) Íslandsmeistarar. Guðbjörg Harpa Sigurðardóttir (ÍR) varð í öðru sæti og Olivia Clara Steinunn Lindén (ÍR) í því þriðja í kvennaflokki. Í karlaflokki varð Hafþór Harðarsson (ÍR) í öðru sæti og Mikael Aron Vilhelmsson (ÍR) í því þriðja.

Úrslitin voru í beinni útsendingu á RÚV2 og þakkar Keilusambandið RÚV sérstaklega fyrir gott samstarf og faglega útsendingu.

Jafnframt þakkar Keilusambandið forseta ÍSÍ, Willum Þór Þórssyni, fyrir að komuna á úrslitin. 

 

Mótið var einstaklega jafnt og spennandi í ár. Ekki munaði nema einum pinna á þriðja og fjórða sæti eftir undanúrslit í kvennaflokki og einungis 14 pinnum á þriðja og fjórða sæti í karlaflokki. 

Þá var einnig ánægjulegt að sjá hvað unga kynslóðin stóð sig vel á mótinu og jafnframt skemmtilegt að segja frá því að yngsti keppandinn í undanúrslitum í kvennaflokki er 14 ára en sá elsti 66 ára. Enn og aftur sannar keiluíþróttin sig sem íþrótt fyrir allan aldur. 

 

Milliriðli lokið í Íslandsmóti einstaklinga

Valgerður Rún Benediktsdóttir
Íslandsmót einstaklinga, Uncategorized

Í dag lauk undankeppni karla og milliriðli karla og kvenna í Íslandsmóti einstaklinga.

Gunnar Þór Ágeirsson sigraði undankeppnina í morgun en hann lék leikina 8 á 1844 pinnum sem þýðir meðaltal upp á 231 pinna.

Milliriðill karla og kvenna var svo spilaður í kvöld. Þar mættu 16 efstu karlar og 12 efstu konur eftir undankeppnina til leiks og spiluðu aðra 8 leiki. Olivia Clara Steinunn Lindén er efst kvenna eftir forkeppnina. Hún spilaði leikina 16 á 3031 pinna (189 meðaltal). Gunnar Þór Ásgeirsson er efstur karla. Hann spilaði leikina 16 á 3709 pinna (232 meðaltal).

Klukkan 17 mánudaginn 23. mars verða spilað til úrslita. Þá keppa efstu 8 keppendurnir úr hvorum flokki og verður þá leikið maður á mann. Að því loknu verða úrslit mótsins en að þessu sinni verða þau í beinni útsendingu á RÚV2 og hefst útsending kl. 19:00 – Keilarar eru þá hvattir til að fjölmenna upp í Keiluhöll til að fylgjast með útsendingunni þar.

Streymt er frá mótinu á YouTube rás KLÍ

Skor úr forkeppni karla: 

Skor úr milliriðli karla:

Skor úr milliriðli kvenna: 

 

Forkeppni kvenna á Íslandsmóti einstaklinga 2026 er lokið

Jóhann Ágúst Jóhannsson
Árangur keilara, Íslandsmót einstaklinga

Í morgun var leikin forkeppni á Íslandsmóti einstaklinga 2026 í kvennaflokki. Það var Linda Hrönn Magnúsdóttir úr ÍR sem varð í efsta sæti en hún lék leikina 8 á 1.611 pinnum eða 201 í meðaltal. Í öðru sæti varð síðan núverandi Íslandsmeistari Olivia Clara Steinunn Lindén einnig úr ÍR en hún lék sína leiki á 1.536 eða 192 í meðaltal. Loks varð það Hafdís Pála Jónasdóttir úr KFR sem varð í 3. sætinu með 1.513 pinna eða 189 í meðaltal.

Í fyrramálið leika karlarnir forkeppnina og hefst keppnin kl. 08:00 í Keiluhöllinni Egilshöll. Að lokum verður svo á morgun kl. 18:00 leikinn milliriðill mótsins en þá keppa 12 efstu konurnar og 16 efstu karlarnir eftir forkeppnina og spila þau aðra 8 leiki. Skor fylgir keppanda áfram í mótinu.

Að loknum milliriðli annað kvöld verða undanúrslit leikin á mánudaginn kl. 17:00 en þá keppa efstu 8 keppendurnir úr hvorum flokki og verður þá leikið maður á mann. Að því loknu verða úrslit mótsins en að þessu sinni verða þau í beinni útsendingu á RÚV2 og hefst útsending kl. 19:00 – Keilarar eru þá hvattir til að fjölmenna upp í Keiluhöll til að fylgjast með útsendingunni þar.

Streymt er frá mótinu á YouTube rás KLÍ

Staðan eftir forkeppni dagsins:

Kvenna lið Íslands valið fyrir EWC í Óðinsvé í júní

Þórarinn Már Þorbjörnsson
Mót ETBF

Þjálfarar kvennalandsliðsins hafa valið lið Íslands sem tekur þátt á EWC í Óðinsvé en mótið fer fram dagana 9. – 21. júní 2026.

Vefsíða mótsins er hér þar sem sjá má dagskrá og síðar meir koma inn upplýsingar um framgang mótsins. Alls eru skráðir 151 keppendur í mótið frá 21 aðildarlandi.

Lið Íslands er þannig skipað:

  • Ágústa Kristín Jónsdóttir
  • Bára Líf Gunnarsdóttir
  • Guðbjörg Harpa Sigurðardóttir
  • Marika Katarina E. Lönnroth
  • Olivia Clara Steinunn Lindén
  • Steinunn Inga Guðmundsdóttir

Þjálfarar eru:

  • Adam Pawel Blaszczak
  • Magnús Sigurjón Guðmundsson