Ágústa Krístin Jónsdóttir ÍA/BK Falcon Ladies tók þátt í Söderköping Ladies Tournament um síðastliðna helgi. Var keppt í bæði með og án forgjafar og var okkar kona að keppa með forgjöf.
Hún var með 41 pinna í forgjöf og gerði hún það að markmiði sínu að spila yfir 180 meðaltali án forgjafar. Keppti hún í tveimur riðlum, í þeim fyrri spilaði hún þokkalega en síðustu tveir leikirnir drógu hana aðeins niður og endaði með 1336, sem hefði skilað henni 14. Sæti og inn í 16 kvenna úrslit.
Hún ákvað svo að bæta sig seinna um daginn og datt hún þá í góðan gír og spilaði 1401 samtals.
Varð hún þá í fyrsta sæti eftir forkeppni og fór beint í undanúrslit.
Í undanúrslitum voru spilaðir 4 leikir og fóru efstu fjórar áfram í svokallað stigaúrslit(stepladderfinals). Ágústa spilaði jafnt og þétt í 10 manna úrslitum en hún endaði í fimmta sæti aðeins 21 pinna frá því fjórða. Nicole Layrisse frá Svíðþjóð varð sigurvegari í forgjafarmótinu.
Virkilega flottur árangur hjá Ágústu og verður spennandi að fylgjast með henni í vetur.
Ágústa Kristín 1 2 3 4 5 6 FGJ Heild
- Fyrri riðill: 211-190-200-187-144-158 41 1336
- Seinni riðill: 148-244-197-172-218-176 41 1401
- Undanúrslit: 190-182-181-203 41 920
Það var önnur kona sem einhverjir landsliðsmenn ættu að þekkja en hún Frida Sethsson, aðstoðarþjálfari Mattias Möller, varð sjöunda í mótinu án forgjafar með virkilega flottri spilamennsku. Frida var þriðja eftir forkeppni og fór beint í undanúrslit og spilaði hín virkilega vel framan af en síðasti leikurinn dró hana úr úrslitabaráttunni og var 44 pinnum frá niðurskurði.
Frida 1 2 3 4 5 6 Heild
- Early Bird 219-230-184-221-276-246 1376
- Undanúrslit 229-210-202-163 804
