Það er sjalgæft að leiknir séu 300 leikir (fullkominn leikur) í keilu. En sjaldgæfara er að leiknir séu tveir 300 leikir á sama tíma á sama brautarpari en það gerðist á EM í Brussel í dag.
Þeir Kert Truus frá Eislandi og Steven Gill frá Skotlandi léku saman á brautarpari í öðrum leik í dag. Þeir gerðu sér lítið fyrir og spiluðu báðir 300 leik. Þriðji leikmaðurinn á því setti, Eistinn Raul Beekmann átti einnig möguleika á 300 leik þegar síðasti rammi leiksins hófst en klikkaði og endaði í 267.
Kert Trauus hélt áfram að spila vel og er sem stendur í 4 sæti einstaklingskeppninnar með 235.3 í meðaltal. Gill og Beekmann gekk ekki eins vel og eru talsvert neðar.
