Mót
Fréttir
  Fréttabréf KLÍ
  Fréttasafn

Dagskrá
Deildir
Upplýsingar
Tölfræði
Keilusalir
Netið
66° Norður
1x2
Lottó
ÍSÍ
ETBF
Landsbankinn
RSS

Fréttir
Fréttir

Fimmtudagur, 13. Desember 2018 kl. 13:32 | JÁJ
Arnar Davíð Jónsson og Ástrós Pétursdóttir keilarar ársins

Stjórn Keilusambandsins hefur valið þau Arnar Davíð Jónsson úr Keilufélagi Reykjavíkur og Ástrós Pétursdóttir úr ÍR keilara ársins 2018.

Ástrós Pétursdóttir - ÍR

Ástrós er Íslandsmeistari kvenna 2018. Leiddi hún mótið frá byrjun og var í efsta sæti frá forkeppni allt til loka. Fór hún fyrir sínu liði ÍR Buff í úrslitum bikarkeppni liða en þær urðu í 2. sæti í mótinu í ár. Ástrós varð efst kvenna í úrtökumóti fyrir Heimsbikarmót einstaklinga Qubica AMF World Cup og vann sér þar með inn þátttökurétt á Heimsbikarmótinu sem fram nú í nóvember í Las Vegas þar sem hún stóð sig með ágætum. Náði hún síðan einum besta árangri íslensku kvennanna sem kepptu á Evrópumóti kvenna í júní í Brussel. Ástrós lauk síðan árinu með einum besta árangri sem íslenskur kvennkeilari hefur náð þegar hún komst inn í 16 kvenna úrslit á Evrópumóti landsmeistara nú í október.

 

Arnar Davíð Jónsson - Keilufélagi Reykjavíkur

Arnar Davíð hóf árið á því að komast í undanúrslit á WOW-RIG mótinu í byrjun febrúar. Arnar Davíð varð í 2. sæti á Íslandsmóti einstakling í apríl. Sigraði hann síðan úrtökumótið fyrir Heimsbikarmót einstaklinga Qubica AMF World Cup og náði í lokakeppninni erlendis 9. sæti og var aðeins hársbreidd frá því að komast í gegn um niðurskurð efstu 8 manna. Arnar varð síðan í 3. sæti á Opna Reykjavíkurmótinu í haust. Arnar Davíð náði þeim merka áfanga í byrjun september að vera fyrstur íslenskra keilara til að vinna mót á evrópsku mótaröðinni í keilu en hann vann alþjóðlega Óðinsvé mótið en árangri hans á erlendri grundu var þar með ekki lokið. Náði hann 3. sætinu á opna norska meistaramótinu sem einnig er hluti af evrópsku mótaröðinni. Vann hann sig þar upp úr 10. sætinu inn í 8 manna úrslit. Komst um tíma í efsta sætið en endaði eins og segir í 3. sæti mótsins. Árinu lauk hann með því eins og áður segir að ná 9. sætinu á Heimsbikarmóti einstaklinga Qubica AMF World Cup sem fram fór í Las Vegas nú í nóvember.

Arnar Davíð Jónsson KFR

Keilusamband Íslands óskar þeim Arnari og Ástrós til hamingju með útnefninguna.