Mót
Fréttir
  Fréttabréf KLÍ
  Fréttasafn

Dagskrá
Deildir
Upplýsingar
Tölfræði
Keilusalir
Netið
66° Norður
1x2
Lottó
ÍSÍ
ETBF
Landsbankinn
RSS

Fréttir
Fréttir

Sunnudagur, 6. Maí 2018 kl. 15:51 | JÁJ
Lokaumferðir á Íslandsmóti liða – 300 leikur hjá Einari Má

Einar Már Björnsson ÍR náði sínum fyrsta 300 leik í lokaumferðinniÍ gær fóru fram lokaumferðirnar á Íslandsmóti liða í keilu. Keppt var í öllum deildum og réðust úrslit í mörgum þeirra um hvaða lið fóru upp um deild, féllu eða komust í úrslitakeppnir sem Framundan eru. Einar Már Björnsson í ÍR PLS náði sínum fyrsta fullkomna leik í gær eða 300 pinnum en leikurinn kom í 2. leik þeirra á móti ÍR KLS. Einar spilaði 782 seríu eða 260,1 í meðaltal en hann átti fyrir 783 seríu sem varð sú hæsta í 1. deildinni á liðnu tímabili. Einar varð því með hæsta leik tímabilsins og seríu en Arnar Davíð Jónsson í KFR Lærlingum var meðaltals hæsti leikmaðurinn í vetur með 222,0 í meðaltal. KFR Lærlingar urðu í efsta sæti að lokinni deildarkeppni og því Deildarmeistarar KLÍ 2018.


Í 1. deild karla varð lokastaðan þannig að í úrslitakeppninni mætast annarsvegar KFR Lærlingar og ÍR KLS sem varð í 4. sæti og hinsvegar ÍR PLS sem mæta KFR Grænu töffurunum en þeir urðu í 3. sæti deildarinnar. Úrslitakeppnin hefst á morgun mánudaginn 7. maí kl. 19:00 í Egilshöll. Úr deildinni í ár féllu KFR Þröstur sem urðu í 9. sæti og KR E sem urðu í 10. sæti. Aðeins munaði einu stigi á Þröstum og KR E og aðeins 3 stig voru á milli 9. og 8. sætis í deildinni og því ekki ljóst hverjir féllu fyrr en undir lokin. Einnig munaði aðeins einu stigu á ÍR KLS sem varð í 4. sæti og KFR Stormsveitarinnar sem varð í 5. sæti. Enn og aftur sannast í íþróttum að þetta er ekki búið fyrr en flautað er til leiksloka.

Í fyrstu deild kvenna var nokkur spenna um það hvort ÍR Buff næði ÍR TT í 2. sæti deildarinnar og kæmust þá í úrslitakeppnina á móti KFR Valkyrjum sem voru öruggar með 1. sætið í deildinni. Fór svo að ÍR TT hélt forskoti sínu og því 2. sætinu og mæta því Valkyrjum í baráttu um Íslandsmeistaratitil kvennaliða í keilu. ÍR N féll niður í 2. deild en KFR Valkyrjur-Z fara í umspil um sæti í 1. deildinni við lið ÍR SK sem varð í 2. sæti í 2. deild.

Í 2. deild kvenna varð það lið ÍR BK sem sigraði deildina og leika þær því í 1. deild næsta tímabil en eins og áður segir voru það ÍR SK sem náðu 2. sætinu og fara í umspil um laust sæti í 1. deild kvenna.

Í 2. deild karla silgdu liðsmenn ÍA í örugga höfn og sigruðu deildina en lið ÍR Fagmanna hélt 2. sætinu og leika þessi lið því í 1. deild á næsta tímabili. Það kom í hlut ÍA W og ÍR Lands að falla niður í 3. deild en það munaði aðeins 4,5 stigum á 8. og 9. sætinu í deildinni í ár.

Í 3. deild karla voru það KFR Frændur sem sigruðu deildina örugglega með 217 stigum en lið ÍR Keila.is varð í 2. sæti með 172,5 sitig og ÍR T varð í 3. sæti með 171,5. Aðeins munar þarna einu stigi á milli þessara liða en þess ber að geta að beðið er dóms frá Dómstól ÍSÍ sem gæti breitt stigagjöfinni aðeins en ólíklega þannig að sætaröð breytist.

Í gærkvöldi fór svo fram lokahóf Keilusambandsins þar sem veitt voru verðlaun fyrir árangur á liðnu tímabili. Helstu verðlaun voru þessi:

1. deild karla

Arnar Davíð Jónsson KFR Lærlingar – Hæsta meðaltal og fellukóngur

Einar Már Björnsson ÍR PLS, hæsti leikur einstaklings og besta sería einstaklings

Guðlaugur Valgeirsson KFR Lærlingar, sigameistari og mestu framfarir

1. deild kvenna

Dagný Edda Þórisdóttir KFR Valkyrjur – Hæsta meðaltal, stigameistari, hæsta sería og felludrottning

Linda Hrönn Magnúsdóttir ÍR TT – Hæsti leikur einstaklings

Hafdís Pála Jónasdóttir KFR Valkyrjur – Mestu framfarir

2. deild kvenna

Nanna Hólm Davíðsdóttir ÍR SK – Hæsta meðaltal, hæsta sería einstakling, felludrottning og stigameistari

Karenina Kristín Chiodo KFR Elding – Hæsti leikur einstaklings

Herdís Gunnarsdóttir ÍR BK – Mestu framfarir

2. deild karla

Gunnar Þór Ásgeirsson ÍR Fagmenn – Hæsta meðaltal og fellukóngur

Guðmundur Sigurðsson ÍA – Stigameistari

Jóhann Ársæll Atlason ÍA – Hæsti leikur og hæsta sería

Matthías Leó Sigurðsson ÍA W - Mestu framfarir

3. deild karla

Skúli Freyr Sigurðsson KFR Frændur – Hæsta meðaltal, stigameistari og fellukóngur

Aron Fannar Beinteinsson KFR Frændur – Hæsti leikur, hæsta sería og mestu framfarir

Úrslitakeppnin hefst eins og áður segir annaðkvöld með tveim viðureignum í 1. deild karla.

Keilusambandið þakkar keppendum á Íslandsmóti liða 2017 til 2018 fyrir góða keppni á liðnu tímabili og óskar verðlaunahöfum til hamingju með árangurinn