Frábær árangur í Noregi

Facebook
Twitter

Norska Opna Meistaramótinu lauk í dag hér í Osló. Karlalandslið Íslands tók þátt í mótinu og var árangurinn mjög góður. 

Skúli Freyr Sigurðsson úr KFR endaði í 19. sæti af 209 keppendum og  Arnar Davíð Jónsson úr KFR varð í 16. sæti.  Það var Jón Ingi Ragnarsson KFR sem náði þeim frábæra árangri að ná upp í 5. sæti mótsins. Jón vann sig upp jafnt og þétt, var kominn í 8. sæti fyrir loka leikinn, spilaði hann 255 sem tryggði honum 5. sætið með einu stigi meira en Mikael Roos frá Svíþjóð og hlaut Jón Ingi 107.000 krónur að launum.
Það var Reymond Jansson frá Svíþjóð sem sigraði mótið og hlaut að launum 600.000 krónur. Í öðru sæti varð James Gruffman frá Svíþjóð og þriðji Jonas Dammen frá Noregi.
Mótið er hluti af Evrópsku mótaröðinni og var þetta síðasta mót landsliðshópsins áður en KLÍ velur þá 6 aðila sem fara á HM í Las Vegas í nóvember.

 

 

 

 

 

 

 

Nýjustu fréttirnar