Að lokinni velheppnaðri árshátíð KLÍ viljum við þakka öllum sem áttu með okkur ánægjulegt kvöld og sérstaklega hinum fjölmörgu sem styrktu okkur með kaupum á happdrættismiðum.

KFR-Valkyrjur urðu í dag Bikarmeistarar kvenna fimmta árið í röð þegar þær lögðu KFR-Afturgöngur af velli.  Mjótt var á munum í fyrsta leik, 675 gegn 635, en Valkyrjurnar sigruðu næstu tvo leiki nokkuð örugglega, 751-639 og 746-650.  Efst hjá Valkyrjum var Theódóra Ólafsdóttir með 580.

Öllu meiri spenna var í karlaleiknum, en þó náðu ÍR-PLS að leggja ÍR-L af velli í þremur leikjum, en þeir fóru 808 gegn 783, 793-745 og 803-737.  Þeir Steinþór og Róbert Dan voru efstir hjá ÍR-PLS, Steinþór með 677 og Róbert Dan 666.  Er þetta annað árið í röð sem ÍR-PLS verða Bikarmeistarar og alls í þriðja skiptið.

Fyrstu umferð Sollumótsins lauk í gær og mun mótið síðan klárast á laugardaginn.

• Úrslit

Valkyrjur urðu á miðvikudaginn íslandsmeistarar liða í 1. deild kvenna. Þær báru sigur úr bítum eftir harða rimmu gegn ÍR-TT.

Sjóvá mótið verður haldið dagana 28. apríl til 4. maí. Nánara keppnisfyrirkomulag má sjá í auglýsingu hér að neðan.

• Auglýsing

ÍR-PLS er Íslandsmeistari liða í karlaflokk.  ÍR-PLS hélt áfram þar sem frá var horfið í gærkvöldi og hækkuðu seríuna um 7 pinna (2515) og tóku 18 stig gegn 2.Hjá kvennfókinu var reyndar meiri spenna og eftir tvo leiki í kvöld var jafnt 6 - 6.

Úrslitakeppnin í Íslandsmóti liða hófst í kvöld.  Leikið var í kvöld í Keiluhöllinni og sigruðu heimaliðin í báðum viðureignunum. 

 Hér að neðan má sjá brautaskipanina í úrslitakeppninni

Í maí er að vanda haldið Íslandsmót í tvímenningi, en að þessu sinni fer mótið fram dagana 5. og 6. maí.  Leiknir eru 4 leikir í forkeppni og 4 leikir í milliriðli.  Í undanúrslitum eru það síðan 6 efstu tvímenningarnir sem leika einfalda umferð allir við alla, og leika tveir efstu tvímenningarnir að þeim loknum til úrslita.

• Sjá auglýsinu
• Olíuburður

Árshátíð Keilusambandsins verður haldin næstkomandi laugardag, en hún er að þessu sinni í umsjón kvennalandsliðsins, sem heldur á Evrópumót til Óðinsvéa í sumar.

Þær Silla (sigurlaugj@simnet.is / 863 8850) og Linda (linda@rontgen.is / 694 5032) taka við pöntunum.  Hægt er að leggja inn fyrir miðunum á bankareikning. t. 481298-2969 reikn.: 0515-14-613724

• Sjá auglýsingu

Fyrri helming úrslitakeppnanna í fyrstu deild karla og kvenna lauk á þriðjudaginn.  Lesa má nánar um þetta með því að smella á "meira" hér að neðan

Undankeppni fyrir AMF world cup 2008 var haldin um síðastliðna helgi og verður fulltrúi Íslands í Mexico Jón Ingi Ragnarsson. Hann sigraði Guðmund Sigurðsson í úrslitaleiknum með 464 gegn 341. Nánari Úrslit má svo finna hér að neðan.

• Úrslit forkeppni
• Riðill 1
• Riðill 2

Nú er forkeppni í íslandsmóti unglingaliða lokið og verða úrslitin spiluð í keiluhöllinni þann 24. apríl næstkomandi. Hefst keppnin kl.12:00 og hvetjum við alla keilara til að koma og hvetja framtíðarkeilara okkar til dáða.

• Úrslit

Úrslitakeppni 1. deildar karla og kvenna hófst í kvöld. Leiknar eru tvær viðureignir, heima og heiman, og kemst liðið sem er með fleiri samanlögð stig áfram.
 

keila.is/ÞI

Fimmtudaginn 24. apríl verður Sollumótið haldið.  Einnig verður leikið laugardaginn 26. og svo úrslit eftir það. Nánari keppnisskilmálar eru í meðfylgjandi auglýsingu.

• Sollumótið 2008

Síðasta umferð í Hjónamót KFR og Morandé var leikinn síðasta sunnudag.  Í loka umferðinni voru Lísa og Böddi í fyrsta sæti án forgjafar, Karólína og Dóri í öðru og Laufey og Bjarki í þriðja.  Með forgjöf voru Ragna og Bjarni í fyrsta, Berglind og Sigurbjörn í öðru og Bára og Tóti í þriðja. Að mótinu loknu voru leikin úrslit fyrir veturinn, og þar stóðu Ragna og Bjarni uppi sem sigurvegarar.
 

• Úrslit kvöldsins
• Lokastaða

Í kvöld kl. 19.00 hefjast í Keiluhöllinni undanúrslit í Íslandsmóti liða.  Í undanúrslitum mætast þau lið sem voru í 1. og 4. sæti annarsvegar og 2. og 3. sæti hinsvegar.  Tvær viðureignir eru leiknar, í kvöld og annað kvöld, og er leikið með hefðbundnu sniði, þar sem 20 stig eru í boði í hvorri viðureign.  Þau lið sem hafa fleiri stig samanlagt eftir viðureignirnar halda áfram í úrslitin sem leikin eru í næstu viku.

Eftirtalin lið leika til úrslita:

Hér að neðan má sjá hvernig brautaskipan er

Félagakeppni KLÍ lauk í gærkvöldi og fóru leikar þannig að ÍR sigraði, í öðru sæti varð svo KFR og ÍA í því þriðja.

• 1. sæti
• 2.sæti
• 3. sæti

Hægt verður að æfa í AMF olíuburðinum í kvöld, fimmtudag, eftir Félagakeppnina eða 21:30. Keiluhöllin sér um fyrirkomulag á æfingunni og greiðsla fer fram í afgreiðslu Keiluhallarinnar.

ÍR-PLS vann deildina í gær með 15-5 sigri á KFA-ÍA og enduðu því með rúmlega 11 stiga forskot á KR-a. KR-a skaust uppí annað sætið með 17-3 sigri á ÍR-a. KR-a náði hæstu seríu vetrarins 2.533 og KFK-Keiluvinir náðu hæsta leiknum 864.
 

Frétt af keila.is

Undanúrslitum í bikarkeppni kvenna lauk á þriðjudaginn með leikjum ÍR-TT gegn KFR-Valkyrjum og leik KFR-Afturgangna og ÍR-KK. Leikur TT og Valkyrja fór alla leið í framlengingu og höfðu Valkyrjurnar sigur í bráðabananum, 149-125. Afturgöngurnar fóru hins vegar með sigur af hólmi í 3 leikjum og munu þær því mæta Valkyrjunum í úrslitum.

Um næstu helgi verður spilað um það hver fer fyrir Íslands hönd á AMF world cup sem að haldið verður í Mexico í haust. Hægt verður að spila 4 sinnum í undankeppninni frá föstudegi og fram á sunnudag. Úrslitin verða svo spiluð á sunnudag um hádegisbilið. Olíuburðurinn sem að notaður verður kallast Beaten path og er hann það sem að sérfræðingar frá Kegel sammældust um að væri sem líkastur því sem að notað er í AMF mótunum.

• Auglýsing fyrir mótið
• Olíuburður í mótinu

Um helgina lauk meistarakeppni ungmenna. KFA og KFR áttu 3 sigurvegara hvort en ÍR átti sigurvegara í 2 flokkum. Við óskum öllum keppendum til hamingju með árangurinn og þökkum fyrir þáttökuna í vetur.

• Úrslit

Nú fer senn að líða að árshátíðinni og verður hún haldin þann 26. apríl á veitingastaðnum Rúbín í Öskjuhlíð. Kvennalandsliðið hefur veg og vanda að árshátíðinni þetta árið og verður þetta án nokkurs vafa einn af hápunktum tímabilsins. Heyrst hefur að happdrættið sé einstaklega glæsilegt þetta árið og vonandi sjá sem flestir sér fært að mæta og styrkja kvennaliðið okkar til ferðarinnar til Danmerkur í sumar.

• Auglýsing

 15. ársþing KLÍ mun fara fram í Íþróttamiðstöðinni á Álftanesi þann 14. maí næstkomandi, og hefst þingið klukkan 18.00.

Sjá lög Keilusambandsins

Stjórn KLÍ

Á síðasta fundi stjórnar var Ásgrímur Helgi Einarsson skipaður formaður landsliðsnefndar. Hann tekur við af Braga Má Bragasyni og mun Ásgrímur ganga í að vinna að langtímaáætlunum fyrir öll landslið á vegum KLÍ ásamt öðrum nefndarmönnum. Á meðan að við Þökkum Braga fyrir vel unnin störf í gegn um tíðina þá bjóðum við Ásgrím velkominn til starfa.

Eftir taldar konum / stúlkur hafa verið valdar til að taka þátt fyrir Íslands hönd á Evrópumóti kvenna í keilu sem fer fram í Óðinsvéum,  í Danmörku dagana 6. - 15. júní 2008:

Alda Harðardóttir KFR
Dagný Edda Þórisdóttir KFR
Elín Óskarsdóttir KFR
Guðný Gunnarsdóttir ÍR
Magna Ýr Hjálmtýrsdóttir KFR
Ragna Matthíasdóttir KFR

Heimasíða mótsins er http://www.ewc2008.eu/

Lokaumferð hjónamóts KFR og Morandé er sunnudaginn 6. apríl og hefst kl 18, en ekki kl 20 eins og venjulega.
Að lokinni umferðinni verða leikin úrslit.  Taldar er 3 hæstu seríurnar hjá hverju pari og fjögur efstu leika einfalda umferð allir við alla.
Hlökkum til að sjá sem flesta

• Staðan í mótinu