Aðalfundur Keilufélags Reykjavíkur verður haldinn þann 26. mars næstkomandi í húsakynnum ÍSÍ. Nánari dagskrá og tímasetningu má finna í fundarboðinu hér að neðan.
Við viljum biðja þá sem hafa skráð sig til leiks í Íslandsmótið um næstu helgi að kynna sér brautaskipan hér að neðan, og hafa samband ef nafn þeirra er ekki á listanum.
Þá minnum við á að greiða þarf með peningum áður en keppni hefst, eða millifæra þátttökugjaldið og senda kvittun með til skraning (hjá) kli.is
Í morgun hélt keppni áfram í Íslandsmóti einstaklinga.
Ástrós Pétursdóttir úr ÍR lék best kvennanna í dag, 1.131, og skaust þannig upp fyrir Rögnu og í 1. sætið. Hjá körlunum var það Steinþór sem aftur lék best, 1.267, og er nú með 127 pinna forskot á Andrés Pál Júlíusson úr KR.
Um næstu helgi lýkur forkeppninni, en milliriðlar fara fram mánudaginn 3. mars og undanúrslit og úrslit þriðjudaginn 4. mars.
Íslandsmót einstaklinga hófst í morgun með 6 leikjum.
Nokkuð mjótt er á munum í efstu sætum, en það eru þau Ragna Matthíasdóttir úr KFR og Steinþór Geirdal Jóhannsson úr ÍR sem eru efst.
Þeir 24 sem léku í morgun leika aðra 6 leiki í fyrramálið.
Í gærkvöldi kláruðust 8 liða úrslit í bikarkeppni liða. Þau lið sem að komust áfram voru ÍR-PLS, KFK-Keiluvinir, ÍR-L og Lærlingar. Í kvennabikarnum komust KFR-Afturgöngur, ÍR-KK, ÍR-TT og KFR-Valkyrjur í undanúrslit.
Á miðvikudagskvöld lauk skráningu í Íslandsmót einstaklinga og eru 29 karlar og 16 konur skráðar til leiks. Keppni hefst klukkan 9:00 báða dagana.
Við viljum minna keppendur að greiða keppnisgjald fyrir mót með millifærslu, eða með reiðufé á mótsstað áður en keppni hefst. Sjá nánar í auglýsingu.
Kæru keilarar
Vel væri þegið ef einhverjir keilara gætu séð af nokkrum tímum til að aðstoða við Íslandsmót einstaklinga núna um helgina og þá næstu. Þeir sem hafa áhuga og tíma hafi samband við mótanefnd á motanefnd(hjá)kli.is
Kveðja Laufey
Nú er að hefjast kennsla á 2. stigi þjálfaramenntunar ÍSÍ. Allar nánari upplýsingar veitir sviðsstjóri fræðslusviðs ÍSÍ í síma 460-1467 eða á vidar@isi.is Einnig má finna uppl. á heimasíðu ÍSÍ. Nánari útlistun á tímasetningum má svo finna hér
Nú fer hver að verða síðastur til að skrá sig í Íslandsmót einstaklinga án forgjafar. Skráningarfrestur rennur út kl. 22:00 annað kvöld, en forkeppni er leikin næstu tvær helgar.
Hér að neðan má sjá hverjir hafa skráð sig og á hvora helgina þeir leika.
Meira
Í kvöld fer fram 5. umferð í deildarbikar liða, en í ár eru leiknar 6 umferðir.
Menntamálaráðherra hefur samþykkt að veita rúmum tuttugu milljónum í styrki til 90 verkefna að tillögu Íþróttanefndar. Alls bárust 158 umsóknir um styrki úr Íþróttasjóði að upphæð 177 milljónir króna vegna ársins 2008.
Það voru þau Anna Kristín Óladóttir og Sigurður Björn Bjarkason, bæði úr KFK, sem stóðu uppi sem Íslandsmeistarar með forgjöf, en undanúrslit og úrslit fóru fram í Keiluhöllinni í kvöld.
Meira
Fimmta umferð í hjónamóti KFR og Morandé var leikin á sunnudag og tóku 14 pör þátt í þetta sinn. Án forgjafar voru Dóra og Tóti í fyrsta sæti, Ragna og Bjarni í öðru og Steinunn og Ólafur í þriðja. Með forgjöf voru Bára og Tóti í fyrsta, Ástrós og Palli í öðru og Vilborg og Einar í því þriðja. Næsta umferð verður leikin 2. mars.Eftir milliriðlana sem fram fóru í kvöld trónir Sigrún Huld Hrafnsdóttir úr KFR á toppnum í kvennaflokki með 1.711 eða 213,9 að meðaltali, 107 pinnum á undan Önnu S. Magnúsdóttur úr ÍR. Í þriðja sæti er Anna Kristín Óladóttir úr KFK.
Aðeins sex konur halda áfram í undanúrslit og var mikil spenna í kringum fimmta og sjötta sætið, en fjórar konur röðuðu sér í fimmta til átta sæta og skildi aðeins einn pinni eina að frá annarri.
Sigurður Björn Bjarkason úr KFKl, sem var í 14. sæti eftir forkeppni, er nú með góða forystu í karlaflokki, 85 pinna. Næstur á eftir honum er Sigurður Guðmundsson úr KFA, og í þriðja sæti Einar Már Björnsson úr KR. Átta karlar leika í undanúrslitum.
Undanúrslit og úrslit fara fram annað kvöld, en keppni hefst klukkan 19:00 í Keiluhöllinni.
Í morgun lauk forkeppninni í Íslandsmóti einstaklinga með forgjöf. Í kvennaflokki er staða efstu þriggja óbreytt, en þær sem komast áfram eru Linda Hrönn Magnúsdóttir og Berglind Scheving úr ÍR og Anna Kristin Óladóttir úr KFK. Róbert Dan Sigurðsson úr ÍR lék allra best í morgun, en hann spilaði 878 og stökk þannig beint í fyrsta sæti í karlaflokki. Aðrir komust ekki áfram af þeim sem léku í morgun.
Milliriðill fer fram annað kvöld, en keppni hefst kl. 19:00
Íslandsmót einstaklinga verður haldið dagana 23. febrúar - 4. mars 2008 í Keiluhöllinni. Spilaðir eru 12 leikir í forkeppni, og komast 16 efstu karlar og 12 efstu konur áfram í milliriðil þar sem leiknir eru 6 leikir. Að honum loknum halda 8 karlar og 6 konur áfram í undanúrslit þar sem leikið er allir við alla.
Skráning fer fram í netfanginu skraning (hjá) kli.is og stendur hún til kl. 22:00 miðvikudaginn 20. febrúar.
Í morgun hófst keppni í Íslandsmóti einstaklinga með forgjöf, þegar 17 konur og 27 karlar léku í Keiluhöllinni. Í fyrramálið lýkur forkeppninni, þegar 9 karlar og 6 konur leika.
Eftir fyrri leikdag eru ljós að 6 efstu konurnar og 7 efstu karlarnir sem léku í morgun eru örugg áfram í milliriðil. Í kvennaflokki er Ástrós Pétursdóttir úr ÍR efst með 867, næst kemur Sigrún Huld Hrafnsdóttir úr KFR með 846 og í þriðja sæti er Steinunn Inga Guðmundsdóttir úr KFA með 822.
Meira
Í gærkvöld lauk skráningu í Íslandsmót einstaklinga með forgjöf, og eru 36 karlar og 22 konur skráðar til leiks.
Mun fleiri völdu að spila forkeppnina á laugardeginum, eða 45, en 13 spila á sunnudag. Keppni hefst klukkan 9:00 báða dagana.
Við viljum minna keppendur að greiða keppnisgjald fyrir mót með millifærslu, eða með reiðufé á mótsstað áður en keppni hefst. Sjá nánar í auglýsingu.
Gefið hefur verið út miðað við 31. janúar, sem notast verður við í Íslandsmóti einstaklinga með forgjöf sem hefst á laugardag.
Meðaltalið má nálgast undir Töfræði og Meðaltal.
Á sunnudag lauk keppni í Íslandsmóti unglinga í Keiluhöllinni. Að þessu sinni komu fjórir Íslandsmeistarar úr röðum KFA, fjórir úr KFR og tveir úr ÍR. Alls tóku 29 unglingar þátt í mótinu; 22 piltar og 7 stúlkur
Meira
Þá hafa verið ákveðnir leiktímar þeirra þriggja leikja sem fram fara á Skaganum í 8 liða úrslitum í Bikarkeppninni. Í meðfylgjandi skjali má sjá tímasetningar þeirra, sem og brautaskipan leikjanna í Öskjuhlíð sem fram fara 21. febrúar.
Á Skaganum verður leikið 14., 17. og 21. febrúar.
Í gær hófu þeir Arnar Sæbergsson og Ásgeir Þór Þórðarson keppni á Luxembourg Open sem að er hluti af evrópumótaröðinni. Þeir spiluðu sína fyrstu 6 leiki í forkeppninni í gær og gekk Ásgeiri ágætlega og spilaði hann 1274 og er sem stendur í 13. sæti. Arnar spilaði 1176 og er hann í 39. sæti. Þeir munu síðan báðir spila seinni partinn í dag, kl.16 og 21. Bestum árangri til þessa hefur Paul Moor (1390) náð og í öðru sæti er Martin Larsen (1374) frá Svíþjóð sem að ætti að vera flestum íslenskum keilurum vel kunnugur. Fylgjast má með mótinu á heimasíðu mótsins www.luxembourg-open.lu
