Í kvöld var dregið í 32 liða úrslit í bikarkeppni karla, þar sem að það voru bara 18 lið í pottinum þá voru dregin út 4 lið. Og fór þetta svona.

KFK-A - JP-Kast.

ÍR-A - KR-B.

Leikirnir verða spilaðir sunnudaginn 23. Nóv. Klukkan 09:00.

Þá hafa Dagný og Steinþór lokið keppni hér í Duisburg. Dagný spilaði í morgunn og átti sinn besta dag, endaði með 1530.  Hún endaði í 22. sæti með 187,63 í meðaltal.  Steinþór spilaði svo eftir hádegi og hann átti einnig sinn besta dag og spilaði 1621.  Hann endaði i 20. sæti með 199,5 í meðaltal.  Á morgunn leika svo átta efstu til úrslita.  Nánar á heimasíðu mótsins.

Við biðjum kærlega að heilsa heim.

Leikið var í langri olíu á öðrum degi mótsins í Duisburg.  Steinþór spilaði 1582 eða þrem pinnum lægra en á fyrsta degi.  Hann er núna í 21. sæti með tæpa 198 í meðaltal og er 196 pinnum frá áttunda sætinu.  Dagný spilaði 1479 og er í 24. sæti.  Hún er með 185,8 í meðaltal, en vantar 328 pinna í 8. sætið. Leikið er í blandaðri oliu í dag og byrjar Dagný að spila klukkan 9.  Nánar á heimasíðu mótsins.

Félagakeppni KLÍ sem að halda átti síðastliðinn mánudag verður haldin næstkomandi fimmtudag, 30 október, í keiluhöllinni Öskjuhlíð klukkan 19:00.

Þá hafa Dagný og Steinþór lokið keppni á fyrsta degi mótsins.  í dag var leikið í stuttu olíunni.  Dagný er í 20. sæti með 186,7 í meðaltal og Steinþór í 16. sæti með 198,1 í meðaltal.  Aðstæður eru til fyrirmyndar, nema ef vera skyldi að stikbrautir eru mjög sleipar.  Á morgunn keppa þau í langri olíu og vonandi gengur þeim sem best. Staðan og einstaka leikir eru á heimasíðu mótsins www.ecc2008.dbu-bowling.com

Keilusamband Íslands sendi að vanda keppendur til þátttöku á Evrópubikar landsmeistara í keilu, en að þessu sinni verður mótið haldið borginni Duisburg í Þýskalandi dagana 20. október til 26. október 2008.

Fulltrúar okkar á mótinu eruÍslandsmeistarar einstaklinga 2008, þau Dagný Edda Þórisdóttir  úr KFR og Steinþór Geirdal Jóhannsson úr ÍR.  Þjálfari, fararstjóri og fulltrúi KLÍ er Theódóra Ólafsdóttir.

Við tilkynnum breytingu á dagsetningu í 2. umferð deildarbikarsins.  Umferðin fer fram fimmtudaginn 23. okt. en ekki þriðjudaginn 21. eins og auglýst er.  þetta er vegna þess að allt er fullt í Öskjuhlíðinni á þriðjudagskvöld.

Kæru keilarar, þar sem við misstum aðal sponsorinn og í ljósi gengis gagnvart ísl. krónu höfum við ákveðið að fella niður keilumótið Reykjavík International Games sem átti að fara fram í Janúar 09 (því miður)

Hörður Ingi

Tekist hefur að laga villuna í skráningu á skori úr deildum sem hefur verið að plaga okkur síðustu viku.  Stefnt er á að innsláttur og staða verði að mestu leiti tilbúin um helgina.

KFK þykir leitt að tilkynna að Íslandsmótið í diskókeilu fellur niður vegna óviðráðanlegra orsaka.

Um síðustu helgi var spiluð fyrsta umferð í meistarakeppni ungmenna. Nánari stöðu eftir fyrstu umferð má sjá hér.

Síðastliðinn þriðjudag ´var 1. umferð í deildarbikarnum leikin. Stöðuna eftir 1. umferð má svo sjá hér.