Allt stefnir í ágæta þátttöku er í Íslandsmóti einstaklinga með forgjöf sem fer fram í Keiluhöllinni í Öskjuhlíð dagana 3. - 6. febrúar n.k., en alls eru nú skráðir 42 keppendur í mótið.
Meira
Dregið var í 8 liða úrslit karla og kvenna þriðjudaginn 30. janúar. Í 8 liða úrslitum karla sem fara fram fimmtudaginn 15. febrúar kl. 18:30 mætast KFR-JP-kast og KR-A , KR-B og ÍR-A, ÍR-KLS og KFR-Stormsveitin, KFR-Lærlingar og ÍR-PLS. Einn leikur fer fram í 8 liða úrslitum kvenna sama kvöld og þar mætast ÍR-BK og KFR-Afturgöngurnar, en ÍR-TT og KFA-ÍA sitja hjá ásamt meisturunum úr KFR-Valkyrjum.
Meira
Í vikunni fer fram 12. umferð í 1. deild kvenna og 11. umferðin í 1. og 2. deild karla.
Meira
Fjórða umferðin í Íslandsmóti unglingaliða fór fram í Keilusalnum á Akranesi laugardaginn 27. janúar og er staðan óbreytt frá síðustu umferð.
Meira
Þriðja umferð í Deildarbikar KLÍ fór fram í Keiluhöllinni þriðjudaginn 23. janúar. Staðan er þannig að ÍR-PLS hefur tekið örugga forystu í Riðli A með 22 stig, ÍR-A er í 2. sæti með 16 stig og ÍR-TT í 3. sæti með 8 stig. Í Riðli B er ÍR-KLS í efsta sæti með 16 stig, KR-B er í 2. sæti einnig með 16 stig og ÍR-L er í 3. sæti með 14 stig. Sjá nánar
Næsta umferð í Deildarbikar liða fer fram í Keiluhöllinni þriðjudaginn 20. febrúar kl. 19:00
Íslandsmót unglinga 2007 verður haldið í Keiluhöllinni í Öskjuhlíð og Keilusalnum á Akranesi tvær helgar í febrúar, eða nánar tiltekið dagana 10., 11., 17. og 18. febrúar n.k. Keppt verður í fjórum aldursflokkum og opnum flokki unglinga á aldrinum 11 til 18 ára. Skráning fer fram á netfanginu skraning@kli.is og lýkur þriðjudaginn 5. febrúar kl. 22:00. Sjá auglýsingu
Þjálfaranámskeið 1a, almennur hluti verður haldið í íþróttamiðstöðinni í Laugardal 2.-4. febrúar næstkomandi. Námskeiðið er almennur hluti menntunarinnar og gildir jafnt fyrir allar íþróttagreinar. Það er öllum opið sem náð hafa 16 ára aldri. Skráningarfrestur er til þriðjudagsins 30. janúar á netfanginu linda@isisport.is Allar nánari upplýsingar veitir Sviðsstjóri Fræðslusviðs í síma 460-1467 eða í netfanginu vidarsig@isisport.is
Þriðja umferð í Meistarakeppni Ungmenna fór fram í Keiluhöllinni í Öskjuhlíð laugardaginn 20. janúar. Alls tóku 23 keppendur þátt að þessu sinni, flestir í 2. flokki pilta, þar sem einnig er gríðarleg hörð barátta, einungis örfáir pinnar skildu menn að eftir keppni dagsins og barátta er um hvert stig. Sjá nánar
Næsta umferð í Meistarakeppni ungmenna fer fram í Keiluhöllinni í Öskjuhlíðinni og Keilusalnum á Akranesi laugardaginn 10. mars n.k. Sjá nánar í dagskrá unglingamóta
Meira
16 liða úrslit Bikarkeppni KLÍ fóru fram í gær, fimmtudaginn 18. janúar og fóru allir leikir 3 - 0. Í 8 liða úrslitum sem fara fram fimmtudaginn 15. febrúar leika KFR-JP-kast, KFR-Lærlingar, ÍR-KLS, KR-B, KR-A, KFR-Stormsveitin og ÍR-A. En leikur ÍR-L og ÍR-PLS hefur enn ekki farið fram og því ekki enn ljóst hvort liðið kemst áfram í 8 liða úrslitin.
KR-A spilaði best allra liða 2540 þegar þeir lögðu félaga sína í KR-C örugglega þrátt fyrir ágæta spilamennsku KR-C sem spilaði 2328. ÍR-KLS var einnig að spila mjög vel eða 2480 og unnu með því KFK-Keiluvini sem spiluðu 2271.
Bikarmeistararnir frá fyrra ári KFR-Lærlingar eru ennþá með í baráttunni.
Meira
Dregið var í 32 manna úrslit karla og kvenna sunnudaginn 21. janúar. Sjá útdráttinn Stefnt er að því að 32 manna úrslitin fari fram í febrúar og er unnið að því í samráði við mótanefnd að finna leiktíma. Nánar tilkynnt síðar
Fjórir leikir fóru fram í 64 manna úrslitum karla í Sjóvá mótinu sunnudaginn 21. janúar Sjá stöðuna í 64 manna úrslitum fyrir þá leiki.
Meira
Í vikunni hófst aftur keppni á Íslandsmóti liða þegar fram fóru leikir í 11. umferð í 1. deild kvenna, og 10. umferð í 1. og 2. deild karla.
Meira
.gif)
Frá og með laugardeginum 13.01.2007 munu Reykjavíkurfélögin innheimta gjald fyrir æfingar á laugardögum og sunnudögum. Félagsmönnum gefst kostur á að kaupa kort á kr. 5.000 sem gilda í lausum tímum þ.e. þegar ekki eru skráð mót. og gilda út apríl 2007. Sjá nánar í tilkynningu
Menningarsjóður Glitnis hefur lagt fram 20 milljónir króna til að stofna Afrekskvennasjóð Glitnis og ÍSÍ. Tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri.
Meira
Íþrótta og Ólympíusambands Ísland tilkynnti í vikunni um úthlutanir styrkja vegna afreksstarfs sérsambandanna, alls að upphæð kr. 63 milljónir. Keilusambands Íslands hlaut kr. 150.000 úr Styrktarsjóði ungra og efnilegra íþróttamanna vegna þátttöku unglingalandsliðsins á Evrópumóti unglinga í keilu sem haldið verður í sem haldið verður í borginni Þessalóníku í Grikklandi um páskana, eða nánar tiltekið dagana 6. - 15. apríl 2007.
Sendar hafa verið út tilkynningar frá Möltu fyrir The Malta Open Championship 2007 (EBT Ranking Tournament) sem haldið verður dagana 20. - 24 júní 2007 og the Malta Senior Open Championship 2007 sem haldið verður dagana 10. - 14. október 2007. Bæði mótin verða að vanda haldin í stærsta keilusal Möltu The Eden SuperBowl. Air Malta býður öllum keppendum sem fljúga með flugfélaginu að taka með allt að 4 keilukúlur til viðbótar við almenna farangursheimild.
Meira
Þriðja umferð Meistarakeppni ungmenna fer fram í Keiluhöllinni í Öskjuhlíð laugardaginn 20. janúar n.k. og hefst upphitun kl. 9:00. Verð er kr. 1.800 fyrir þá keppendur sem spila 6 leiki og kr. 900 fyrir þá keppendur sem spila 3 leiki. Skráning er hjá þjálfurum félaganna og á netfanginu skraning@kli.is. Athugið að í skráningu þarf að koma fram fullt nafn keppanda og kennitala. Skráningu lýkur fimmtudaginn 18. janúar kl. 22:00. Sjá nánar í auglýsingu.
Nýkrýndir Íslandsmeistarar para, Magna Ýr og Róbert Dan eru með forystu í sínum flokkum Sjá stöðu í mótinu eftir tvær umferðir af fimm.
Skráning er hafin í Íslandsmót einstaklinga með forgjöf, en það mun fara fram í Keiluhöllinni dagana 3. til 6. febrúar næstkomandi. Skráning fer fram á netfanginu skraning@kli.is , eða hjá Þórhalli í síma 899 3654 og lýkur þriðjudaginn 30. janúar kl. 22:00
Mótanefnd hefur samþykkt beiðni KFK-Keiluvina um að færa leiktíma sinn í Keiluhöllinni. Þeir munu leika sína leiki á þriðjudögum klukkan 19:00 í stað mánudaga. Þetta eru alls 7 leikir:
Meira
Dregið var í 16 liða úrslit karla í Bikarkeppni KLÍ þriðjudagskvöldið 12. desember. Eftirtalin lið drógust saman:
KFK-Keila.is - KR-B
ÍR-P - KFR-Lærlingar
ÍR-Línur - KFR-JP-Kast
ÍR-NAS - KFR-Stormsveitin
KR-C - KR-A
KFK-Keiluvinir - ÍR-KLS
ÍR-L - ÍR-PLS
KFA-ÍA - ÍR-A
Leikirnir fara allir fram fimmtudaginn 18. janúar kl. 18:30, nema leikur ÍR-L og ÍR-PLS sem ekki var hægt að koma fyrir í húsinu þennan dag. Ekki hefur verið ákveðinn nýr tími fyrir leikinn. Sjá nánar
Á Skaganum hefur verið haldin öflug Fyrirtækja og hópakeppni undanfarin ár, og er keppnin haldin fjórða árið í röð nú í vetur. Að þessu sinni eru átján lið skráð til keppni og hafa alls spilað með þeim 85 keppendur. Keppnin er spiluð í þremum riðlum og eru sex lið í hverjum riðli. Að lokinni riðlakeppninni munu tvö efstu liðin úr hverjum riðli komast áfram í úrslita keppni.
Meira
Glæsileg spilamennska, hörkuspennandi barátta og fjöldi Íslandsmeta. Þannig hljómar í stuttu máli lýsingin á Íslandsmóti para sem fram fór mánudaginn 8. og þriðjudaginn 9. janúar.
Ný nöfn verða letruð á farandbikarinn í þetta sinn, Magna Ýr Hjálmtýsdóttir KFR og Róbert Dan Sigurðsson ÍR tryggðu sér titilinn þegar þau unnu fráfarandi og margfalda meistara Sigfríði Sigurðardóttur KFR og Björn Sigurðsson KR í úrslitunum 3-0. Tölurnar gefa til kynna að sigurinn hafi verið öruggur, en það var öðru nær allir leikirnir voru hörkuspennandi og réðust úrslitin ekki fyrr en í síðasta ramma. Sjá úrslit
Dagný Edda Þórisdóttir og Hafþór Harðarson úr KFR tryggðu sér 3. sætið í mótinu.
Meira
Keilufélag Akraness hefur nú tekið stórt stökk inn í 21 öldina og opnað heimasíðu Óskum við þeim til hamingju með þennan áfanga.
Upplýsingar um heimasíður félaga og alþjóðasamtaka má finna á heimasíðu KLÍ undir Netið
Sigfríður Sigurðardóttir KFR og Björn G. Sigurðsson KR hafa tekið afgerandi forystu í keppninni um Íslandsmeistaratitil para að lokinni forkeppninni og virðast ekki ætla að sleppa höndinni af bikarnum. Þau spiluðu 2.497 í fyrstu 6 leikjunum eða 208,08 að meðaltali í leik. Magna Ýr Hjálmtýsdóttir KFR og Róbert Dan Sigurðsson ÍR koma næst með 2.361 eða 196,75 að meðaltali. Ragna Matthíasdóttir og Jón Ingi Ragnarsson úr KFR eru sem stendur í 3. sæti með 2.312 eða 192,67 í meðaltal. Staðan að lokinni forkeppni
Dregið hefur verið í 64 manna úrslit karla sem fara fram laugardaginn 13. janúar 2007 milli kl. 9:00 - 12:00. Vinsamlega kynnið ykkur leiktíma og staðfestið mætingu á skraning@keila.is. Í 64 manna úrslitum eru eftirtaldir leikir:
Meira
Önnur umferð hjóna- og paramóts KFR var spiluð í Keiluhöllinni í Öskjuhlíð sunnudaginn 7. janúar. Sigurvegarar í þessari umferð voru Theódóra og Þórir með 1114, í öðru sæti Sigfríður og Björn með 1087 og í þriðja sæti Vilborg og Einar með 1025. Sjá stöðuna í mótinu
Þriðja umferðin í Íslandsmóti unglingaliða fór fram í Keiluhöllinni í Öskjuhlíð um helgina. Lið ÍA-1 vann alla sína leiki að þessu sinni og hefur nú tekið forystu í keppninni með 16 stig og 3.910 pinna, ÍR fylgir þeim fast á eftir og er í 2. sæti með 14 stig og 4.075 pinna, KFR er í 3. sæti með 4 stig og 3.012 pinna og ÍA-2 er í 4. sæti með 2 stig og 2.880 pinna. Bestu spilamennsku dagsins áttu þeir Hafliði Örn Ólafsson ÍR sem spilaði 600 seríu og Skúli Freyr Sigurðsson KFA sem spilaði 551. Sjá nánar
Fjórða umferð í Íslandsmóti unglingaliða fer fram í Keilusalnum á Akranesi laugardaginn 27. janúar og hefst kl. 9:00.
Góð þátttaka er í Íslandsmóti para að þessu sinni, en alls eru 12 pör skráð til keppni. Sigurstranglegust í hópnum verða að teljast núverandi Íslandsmeistarar para, hjónin Sigfríður Sigurðardóttir KFR og Björn G. Sigurðsson KR. En meðal þeirra sem líklegir eru til að veita þeim harða keppni eru Guðný Gunnarsdóttir og Halldór Ragnar Halldórsson úr ÍR, sem eru núverandi Reykjavíkurmeistarar para, og einnig þau Hafþór Harðarson og Dagný Edda Þórisdóttir úr KFR. Sjá lista yfir keppendur
Keppni hefst mánudaginn 8. janúar með forkeppni þar sem spilaðir eru 6 leikir. 8 efstu pörin komast síðan áfram í milliriðil sem keppt er í þriðjudaginn 9. janúar þar sem leiknir eru aðrir 6 leikir. Að því loknum leika tvö efstu pörin til úrslita og fara úrslitin fram strax að lokinni keppni í milliriðli. Verð er kr. 5.500 fyrir parið í forkeppni. Sjá nánar í auglýsingu
Forkeppni í Sjóvá mótinu, bikarkeppni einstaklinga 2007, lauk í gær laugardaginn 6. janúar. Þá spiluðu 24 keppendur í mótinu og voru það því alls 47 karlar og 22 konur eða samtals 69 keppendur sem tóku þátt í mótinu að þessu sinni. Eru það töluvert færri keppendur vant en, en þeir hafa verið á bilinu 90 - 100 síðustu árin.
Dregið verður í 64 manna úrslit karla mánudaginn 8. janúar að lokinni forkeppni í Íslandsmóti para. 15 leikir fara fram í 64 manna úrslitum karla sem fara fram laugardaginn 13. og sunnudaginn 14. janúar 2007 og sitja 17 efstu karlarnir því hjá í fyrstu umferð.
6 leikir fara fram í 32 manna úrslitum kvenna og sitja 10 efstu konurnar því hjá í fyrstu umferð. Stefnt er að því að 32 manna úrslit karla og kvenna fari fram í febrúar.
Meira
Síðasta tækifærið til að spila í forkeppni í Sjóvá mótinu, bikarkeppni einstaklinga er um helgina. Þrír riðlar verða á morgun, laugardaginn 6. janúar kl. 9:00, 10:00 og 11:00. Skráning er á netfangið skraning@keila.is . Hafþór Harðarson KFR er með forystu í karlaflokki með 697 seríu, Róbert Dan Sigurðsson ÍR kemur á hæla honum með 695 og Bragi Már Bragson KR er þriðji með 694. Í kvennaflokki á Sigfríður Sigurðardóttir KFR langhæstu seríuna eða 666, Ágústa Þorsteinsdóttir KFR kemur næst með 567 og Sigríður Klemensdóttir ÍR er þriðja með 561. Sjá nánar stöðuna í mótinu
Þriðja umferðin í Íslandsmóti unglingaliða fer fram í Keiluhöllinni á morgun laugardaginn 6. janúar 2007 og hefst kl. 9:00. Sjá stöðuna í mótinu
Þriðja umferðin í Meistarakeppni ungmenna fer fram í Keiluhöllinni laugardaginn 20. janúar 2007 og hefst kl. 9:00. Sjá stöðuna í mótinu
Íslandsmót para 2007 verður haldið dagana 8. og 9. janúar 2007 í Keiluhöllinni. Spilaðir eru 6 leikir í forkeppni og komast 8 efstu pörin áfram í milliriðil. Þar eru leiknir aðrir 6 leikir, og leika tvö efstu pörin að því loknu til úrslita. Verð er kr. 5.500 fyrir parið í forkeppni. Skráning fer fram á netfanginu skraning@kli.is og lýkur föstudaginn 5. janúar kl. 22:00. Sjá nánar í auglýsingu
Sannkölluð metþátttaka var í Kampavínsmóti KFR sem haldið var í Keiluhöllinni á gamlársdag, en alls voru það 51 keppandi sem tók þátt að þessu sinni. Keppt var á öllum brautum í og var sérstaklega ánægjulegt að sjá húsið fullt af keilurum þennan síðasta dag ársins.
Meira
