Samkvæmt 2. grein reglugerðar um Íslandsmót liða skulu keilufélög og keiludeildir skila inn skráningu eldri liða í síðasta lagi 15. maí ár hvert, en skráningu nýrra liða skal lokið í síðasta lagi 31. júlí. Vegna þeirra breytinga og óvissu sem ríkir í aðstöðumálum keilunnar var hins vegar ákveðið á formannafundi á vegum KLÍ í síðustu viku að framlengja skráningarfrestinn a.m.k. til næstu mánaðarmóta. Nánari upplýsingar gefa formenn keilufélaga og keiludeilda.
Á hverju ári skila aðilar íþróttahreyfingarinnar starfsskýrslum til ÍSÍ. Skýrslurnar innihalda m.a. lista yfir iðkendur og félaga íþróttafélaganna og út frá þeim tölum er unnin samantekt og tölfræði sem gefur góða mynd af umfangi og stærð íþróttahreyfingarinnar á Íslandi. Þessi tölfræði er nú aðgengileg á heimasíðu ÍSÍ
Húsnæði Keilu í Mjódd hefur verið selt fasteignafélaginu Landsafli fyrir rekstur heilsugæslustöðvar. Keilusalnum verður lokað frá og með morgundeginum, föstudeginum 12. maí kl. 23:30. Keilarar eru beðnir um að sækja kúlur og annað dót sem þeir eru með í geymslu í salnum fyrir þann tíma. Allar nánari upplýsingar í Keilu í Mjódd í síma 587 1222.
Keilusamband Íslands hefur fyrir árið 2006 fengið úthlutað tveimur styrkjum frá ÍSÍ. Úr Ólympiufjölskyldunni upphæð kr. 300.000 vegna landsliðsverkefna og að auki 4 frífarseðla á áfangastaði Flugleiða, samtals að upphæð 440.000 kr. Hins vegar úr ríkisstyrk til ÍSÍ vegna sérsambanda ÍSÍ fjárhæð að upphæð kr. 800.000. Sérsamböndunum er ekki heimilt að nota þetta fé til annars en starfsmannakostnaðar, reksturs skrifstofu og fræðslu- og útbreiðslumála viðkomandi íþróttagreinar. Verður styrkurinn greiddur út í fjórum greiðslum 1. mars, 1. júní, 1. september og 1. desember eftir uppgjör þar sem fram kemur sundurliðaður kostnaður og öll fylgiskjöl hvers sambands fyrir sig.
Næstkomandi laugardag, 13. maí verður árlegur stafgöngudagur ÍSÍ. Á stafgöngudeginum taka þjálfarar á móti göngufólki á 12 stöðum á landinu og kenna rétta notkun stafanna og síðan verður gengið í uþb. 40 mínútur. Þeir sem eiga stafi eru hvattir til að hafa þá með sér en einnig verða stafir til taks sem göngufólk getur fengið lánað á meðan kennslu stendur. Allir þátttakendur fá að gjöf skrefamæla frá Kellogg´s sem nýtast vel við að mæla hve mikið er gengið. Kennslan fer fram á eftirtöldum stöðum á Suðvesturlandi: Akranes Skógræktin kl. 10:00, Garðabær Við Vífilstaðavatn Kl. 10:00, Ásgarður kl. 11:00, Reykjavík Skautahöllin Kl. 13:00 og 14:00. Stafir til láns á öllum stöðum. Sjá nánar á heimasíðu ÍSÍ www.isisport.is
Fræðslu- og hvatningarverkefni ÍSÍ ,,Hjólað í vinnuna" hófst 3. maí og stendur til 16. maí n.k. Nú þegar hafa 220 vinnustaðir skráð lið til leiks, en hægt er að skrá lið til leiks á heimasíðu verkefnisins á www.isisport.is á meðan keppnin stendur yfir. Meginmarkmið ,,Hjólað í vinnuna" er að vekja athygli á hjólreiðum sem heilsusamlegum, umhverfisvænum og hagkvæmum samgöngumáta. Keppt er í 6 fyrirtækjaflokkum um flesta hjólaða daga og flesta hjólaða km., hlutfallslega miðað við fjölda starfsmanna í fyrirtækjum. Allir þeir sem nýta eigin orku til að koma sér til vinnu s.s. hjóla eða ganga geta tekið þátt. Þeir sem taka strætó eru einnig gjaldgengir þátttakendur en þá telur sú vegalengd sem gengin er til og frá stoppistöð. Samhliða leiknum stendur verkefnið fyrir hjóladegi fyrir fjölskylduna í samstarfi við Fjölskyldu- og húsdýragarðinn sunnudaginn 14. maí. Allar nánari upplýsingar og skráning er á www.isisport.is.
Það voru þeir Steinþór Geirdal Jóhannsson og Róbert Dan Sigurðsson úr ÍR sem stóðu uppi sem Íslandsmeistarar í tvímenningi í gærkvöldi, eftir æsispennandi úrslit.
Björn Birgisson og Hafþór Harðarson úr KFR, sem leiddu að lokinni forkeppni og milliriðli, héldu forystunni út undanúrslitin, þar sem sex efstu tvímenningarnir léku allir gegn öllum. Þeir léku best allra í undanúrslitum, eða á 203,9 meðaltali. Steinþór og Róbert Dan léku næst best, á 194,8 meðaltali, og voru að auki með flesta bónuspinna, 170 talsins, og komust þannig upp í annað sæti. Í þriðja sæti enduðu Magnús Magnússon og Björn G. Sigurðsson, en þeir unnu sig upp úr sjötta sætinu.
Í úrslitum léku því Björn og Hafþór gegn þeim Steinþóri og Róberti, en úrslitakeppnin var leikin eftir lítillega breyttu fyrirkomulagi frá síðasta ári. Tvímenningnum sem var í fyrsta sæti að loknum undanúrslitum dugði að ná í tvö stig á meðan, á meðan sá í þriðja sæti þurfti þrjú stig, en eitt stig var gefið fyrir sigur í viðureign og hálft fyrir jafntefli, en áður féllu jafnteflis viðureignir niður.
Steinþór og Róbert Dan byrjuðu af miklum krafti, unnu fyrsta leikinn með 479 pinnum gegn 409, og þann annan með 423 gegn 418. Björn og Hafþór unnu síðan næsta leik naumlega með 383 gegn 377 pinnum Steinþórs og Róberts, og hefði því dugað sigur í næsta leik. Úrslitin í þeim eik réðust í síðasta skoti, þegar Steinþór tók 9 pinna, og unnu þeir leikinn með 377 pinnum 376.
Steinþór og Róbert Dan úr ÍR eru því sem fyrr segir Íslandsmeistarar, og óskum við þeim til hamingju með það.
Myndir frá kvöldinu eru væntanlegar.
Keppni hófst í morgun í Íslandsmótinu í tvímenningi, en 10 tvímenningar voru skráðir til keppni. Í Keiluhöllinni í Öskjuhlíð var leikin forkeppni, 4 leikir, þar Björn Birgisson og Hafþór Harðarson úr KFR léku best, 1.696, eða 212 að meðaltali. Næstir komu feðgarnir Magnús S. og Magnús Magnússynir, einnig í KFR, með 1.612 eða 201,5 að meðaltali, og skammt á eftir í þriðja sæti þeir Steinþór Geirdal og Róbert Dan Sigurðsson úr ÍR með 1.607 eða 200,9 að meðaltali.
Milliriðill, þar sem allir 10 léku áfram, var síðan leikinn í Keilu í Mjódd þar sem þeir Björn og Hafþór léku aftur best allra og bættu forystu sína, þrátt fyrir að hafa ekki leikið jafn vel og um morguninn, en að loknum milliriðli eru þeir með 3.181, eða 198,8 að meðaltali, en staða þriggja efstu tvímenninganna hélst óbreytt. Með þeim þremur fara í undanúrslit Andrés Páll Júlíusson og Sveinn Þrastarson úr KR, Jón Ingi Ragnarsson og Bjarni Páll Jakobsson úr KFR, og Magnús Magnússon og Björn Sigurðsson úr KR.
Undanúrslit fara fram í Keilu í Mjódd annað kvöld og hefjast klukkan 19:00, en þar leika 6 efstu tvímenningarnir allir við alla, 5 leiki, en skorið úr forkeppni og milliriðli fylgir þeim áfram. Úrslit fara síðan fram strax að loknum undanúrslitum.
| Tveir leikmenn hafa verið dæmdir í einnar seríu bann af aganefnd. Þetta eru þeir Arnar Sæbergsson ÍR-KLS og Jón Helgi Bragason ÍR-PLS. Þeim hefur verið gert að taka bannið út í 1. umferð 1. deildar á næsta tímabili. | |
|
Utandeild KLÍ lauk í gærkvöldi. Til úrslita léku Penninn, Álftanes og nágrenni, BLS, Landsbankinn, ITS og Mjólk. Leikin var einföld umferð allir við alla. Keppnin var æsispennandi og réðust úrslit ekki fyrr en í síðasta skoti. Þegar upp var staðið var það Álftanes sem sigraði, voru með jafnmörg stig og Mjólk en hærra meðaltal. |
|
| Íslandsmóti unglingaliða lauk í vikunni þegar leikið var til úrslita. Það var ÍR-2 sem stóð uppi sem sigurvegari, í öðru sæti varð ÍA-2 og í þriðja sæti KFR-1. |
|
| KLÍ hefur valið þá Stefán Claessen ÍR, Magnús S. Guðmundsson KFA og Hafþór Harðarson KFR til að keppa fyrir hönd Íslands á Heimsmeistaramóti ungmenna í Berlín 21. - 30. júlí í sumar. Nú tekur við strangur undirbúningur hjá þeim félögum til að verða undirbúnir fyrir mótið. |
|
|
13. ársþing Keilusambands Íslands var haldið í Íþróttamiðstöðinni að Jaðarsbökkum á Akranesi í gær og er þetta í fyrsta sinn KLÍ heldur þing utan Reykjavíkur. Viljum við sérstaklega þakka Skagamönnum fyrir góðar móttökur og veitingar.
Mjög góð mæting var á þingið, eða 22 fulltrúar frá öllum aðildasamböndum innan íþróttarinnar, auk stjórnar KLÍ og þingforseta, Hafsteins Pálssonar úr framkvæmdastjórn ÍSÍ. Á þinginu fór Valgeir Guðbjartsson, formaður, yfir störf sambandsins síðastliðið tímabil og þau verkefni sem framundan eru.
 Nýkjörinn forseti ÍSÍ, Ólafur Rafnsson, heiðraði þingið með nærveru sinni og var þetta fyrsta þing sérsambands sem hann situr sem forseti ÍSÍ. Ræddi hann m.a. um aðstöðumál keilunnar á Íslandi og hafði orð á góðum og ábyrgum rekstri Keilusambandsins. Fyrir þinginu lágu tvær tillögur að reglugerðarbreytingum, auk þess sem tillaga um stofnun nefndar, sem fara á yfir og samræma reglugerðir Keilusambandsins, var samþykkt. Ný stjórn Keilusambandsins mun skipa í þá nefnd og verður henni ætlað að skila tillögum að breytingum til stjórnar í haust. Á þinginu gengu Sigríður Klemensdóttir og Sigfríður Sigurðadóttir úr stjórn og gáfu þær ekki kost á sér til endurkjörs. Í þeirra stað voru Halldóra I. Ingvarsdóttir og Þórhallur Hálfdánarson kosin í stjórn sambandsins til tveggja ára. Í varastjórn voru kjörin til eins árs þau Árni Geir Ómarsson, Theódóra Ólafsdóttir og Þórarinn Már Þorbjörnsson, en Linda Hrönn Magnúsdóttir gaf ekki kost á sér til endurkjörs. Á síðasta þingi voru þeir Valgeir Guðbjartsson formaður, Bragi Már Bragason og Guðmundur Sigurðsson kjörnir til tveggja ára. Á næstu dögum mun Ásgrímur Helgi Einarsson láta af störfum sem starfsmaður Keilusambandsins og hefur ekki verið tekin ákvörðun um eftirmann hans.
Skýrsla stjórnar, ársskýrsla, þinggerð og lagabreytingar verða birtar á heimasíðu KLÍ.
KLÍ
|
 |
|
KFR-Lærlingar unnu KR-b í jöfnum og spannandi leik 3-0 og munaði einungis 3 pinnum í öðrum leik á liðunum. KFR-Lærlingar eru því bikarmeistarar liða í fjórða skiptið og eru þeir því búnir að jafna met Þrasta sem hafa einnig unnið titilinn 4 sinnum. KFR-Lærlingar voru bikarmeistarar árin 1994, 1996 og 2000.
|
|
|
Ársþing KLÍ 2006 verður haldið í dag, 3. maí, kl. 17.00 að Íþróttamiðstöðinni að Jaðarsbökkum á Akranesi. “Þingið sitja fulltrúar frá þeim aðilum sem mynda það. Fulltrúafjöldi hvers aðila fer eftir tölu keppenda í keilu í ársmeðaltali, þannig að fyrir allt að 20 keppendur koma 3 fulltrúar og síðan tveir fyrir hverja 20 upp í 100 keppendur og þá einn fyrir hverja 40 þar fram yfir. Miðað skal við ársmeðaltal síðasta almanaksárs. Þingið skal árlega háð í apríl. Skal boða það bréflega með minnst 6 vikna fyrirvara. Málefni sem sambandsaðilar óska að tekin verði fyrir á þinginu, skulu tilkynnt stjórn KLÍ minnst 4 vikum fyrir þingið. Þá skal stjórn KLÍ tilkynna sambandsaðilum dagskrá þingsins, ásamt tillögum og lagabreytingum sem borist hafa, í síðasta lagi 2 vikum fyrir þing”. "Á þinginu hafa fulltrúar einir atkvæðisrétt. Auk þeirra eiga rétt á þingsetu og hafa þar málfrelsi og tillögurétt: Stjórn KLÍ, Framkvæmdastjórn ÍSÍ, Fastráðnir starfsmenn KLÍ og ÍSÍ, Formenn nefnda, Íþróttafulltrúi ríkisins. Auk þess getur stjórn KLÍ boðið öðrum aðilum þingsetu ef hún telur ástæðu til. Aðeins sá sem er í félagi sem iðkar keiluíþróttir innan sérráðs eða héraðssambands er kjörgengur fulltrúi þess á ársþingið. Hver fulltrúi hefur aðeins eitt atkvæði." Sjá nánar í lögum Keilusambands Íslands http://www.kli.is/upplysingar Fulltrúafjöldi á þinginu er eftirfarandi: ÍBR 14 fulltrúar, UMSK 5 fulltrúar, ÍA 5 fulltrúar. |
 |
| Íslandsmót í tvímenningi fer fram um næstu helgi. Enn er eitt laust keppnispláss í mótinu, þ.e.a.s. fyrir einn tvímenning. Áhugasamir hafi samband við Ásgrímur, asgrimur@kli.is. Sjá auglýsingu um mótið. | |
| Nú er orðið ljóst hvaða lið leika til úrslita í Utandeild KLÍ næsta fimmtudag. Úr 1. riðli eru komin í úrslit Penninn og Álftanes og nágrenni, úr 2. riðli BLS og Landsbankinn og úr 3. riðli Mjólk og ITS. Í úrslitum er leikin einföld umferð allir við alla. Keppni hefst í Keilu í Mjódd kl. 18:30 á fimmtudag. | |
KR-a varð í gærkvöldi Deildabikarmeistari. Sigur KR-a var nokkuð öruggur og segja má að þetta hafi verið nokkur sárabót þar sem liðið tapaði í síðustu vikur fyrir ÍR-PLS í úrslitum 1. deildar. KR-a hlaut 8 stig í gærkvöldi en næstir í röðinni urðu KR-b með 6 stig eins og ÍR-KLS en með hærra meðaltal. Í fjórða sæti urðu svo Íslandsmeistarar ÍR-PLS með 4 stig.
|
|
