Í dag hélt keppni í Íslandsmóti einstaklinga með forgjöf áfram, þegar leikið var í milliriðlum karla og kvenna í Keiluhöllinni í Öskjuhlíð.

Í karlaflokki lék Árni Geir Ómarsson úr ÍR best, 950 í fjórum leikjum eða 235 í meðaltal, og skaut sér úr 3. sæti í það fyrsta.  Síðasti leikur hans var hæsti leikur dagsins, eða 298.  Þá lék Steinþór Geirdal einnig vel, en hann var með 876, 219 í meðaltal.  Hann átti einnig stórleik í dag, eða 289.

Í kvennaflokki lék Ragna Matthíasdóttir KFR best, 872, 218 í meðaltal, og fór hún úr 6. sæti upp í það þriðja, en Steinnunn Guðmundsdóttir úr KFA er sem fyrr í efsta sæti.

Staða efstu þriggja í hvorum flokki er því þannig:

Konur:
Steinunn Guðmundsdóttir, KFA, 211 í meðaltal
Sigfríður Sigurðardóttir, KFR, 209 í meðaltal
Ragna Matthíasdóttir, KFR, 208 í meðaltal

Karlar:
Árni Geir Ómarsson, ÍR, 224 í meðaltal
Jón Ingi Ragnarsson, KFR, 211 í meðaltal
Steinþór Geirdal, ÍR, 209 í meðaltal

Mjótt var á munum hjá þeim sem börðumst um sæti í undanúrslitum.  8 karlar halda áfram, og var sá í 8. sæti aðeins 16 pinnum hærri en sá í því 9.  Enn minni munur var hjá konunum þar sem 6 halda áfram, eða 6 pinnar.

Undanúrslit og úrslit fara fram í Keilu í Mjódd á morgun.  Leikið er maður á mann í undanúrslitum og leika tveir efstu til úrslita.
Konurnar hefja leik kl. 10:00, og karlarnir klukkan 11:30.
Úrslit fara fram að loknum undanúrslitum, og hefjast um 13:00

Sjá stöðu í mótinu.

Nú hafa öll sæti verið fyllt í Íslandsmóti einstaklinga m/forgjöf. Mótið hefst á fimmtudaginn. Smellið hér til að sjá rástíma og brautaskipan fyrir mótið.

ÁHE

Um  helgina var leikið í 8 liða úrslitum í Bikarkeppni KLÍ, karla og kvenna. Úrslit urðu sem hér segir:

Konur:
ÍR-TT - ÍR-BK  3 - 0
KFR-Afturgöngur - KFR-Flakkarar  2 - 2 (KFR-Afturgöngur unnu eftur framlengingu).

Karlar:
KFR-Lærlingar - ÍR-A  2 - 2 (KFR-Lærlingar unnu eftir fremlengingu)
ÍR-KLS - KFR-JPKAST 3 - 0
KR-C - KR-B - 0 - 3

Síðasti leikur í 8 liða úrslitum er  leikur ÍR-PLS og KFR-Þrasta en hann verður leikinn fimmtudaginn 23/2 kl. 18:30 í Mjódd. Dregið verður í undanúrslit á morgun kl. 19:45 í Keilu í Mjódd. Undanúrslit verða leikin laugardaginn 18/3. Í pottinum verða ÍR-TT, KFR-Afturgöngur, KFA-ÍA og KFR Valkyrjur hjá konunum en hjá körlunum KFR-Lærlingar, ÍR-KLS, KR-B og sigurvegarinn úr viðureign KFR-Þrasta og ÍR-PLS.

ÁHE

Í gærkvöld lauk auglýstum skráningartíma í Íslandsmót einstaklinga með forgjöf.  46 skráðu sig, eða 32 karlar og 14 konur, en það er töluverð aukning frá því í fyrra.

Ákveðið hefur verið að leyfa skráningar í þau 4 sæti sem laus eru á fimmtudag til að jafnt sé á brautum, og er skráning á netfanginu skraning@kli.is, eða hjá Þórhalli í síma 899-3654.  Fyrstur kemur, fyrstur fær.

ÞH

Undanfarnar vikur hefur fjöldi fólks lagt mikla vinnu við að koma niðurstöðum úr mótum á þeirra vegum til KLÍ til skráningar í meðaltal.  Í fyrsta sinn er verið að skila inn gögnum á nýju formi, þar sem fram koma meiri upplýsingar en áður, og eru leikjablokkir, allt að 9 leikir, settar saman inn, í stað 3ja leikja eins og áður hefur verið.  Með því má meðal annars finna hæstu 6 leiki leikmanna.

Nú lýtur allt út fyrir að meðaltal líti dagsins ljós um þessa helgi, sem miðast þá við 31. janúar síðastliðinn.  Það mun að sjálfsögðu vera birt bæði hér á vefnum sem og í keilusölunum.

Allsherjarmeðaltal hefur ekki verið gefið út í nokkurn tíma, en með þeim breytingum sem staðið hafa yfir verður mun auðveldara og fljótlegra en áður að gefa út meðaltal.

ÞH