Alls tóku 13 unglingar þátt í Reykjavíkurmóti unglinga að þessu sinni og kepptu í þremur flokkum pilta og tveimur flokkum stúlkna. Úrslit fóru þannig að Karen Rut Sigurðardóttir ÍR sigraði í 1. flokki stúlkna og Magna Ýr Hjálmtýsdóttir KFR var í 2. sæti. Ástrós Pétursdóttir ÍR sigraði í 2. flokki stúlkna og Bergþóra Rós Ólafsdóttir var í 2. sæti. Jón Ingi Ragnarsson KFR sigraði í 1. flokki pilta, Róbert Dan Sigurðsson ÍR varð í 2. sæti og Stefán Claessen ÍR í 3. sæti. Andri Már Ólafsson KFR sigraði í 2. flokki pilta, Hafliði Örn Ólafsson ÍR varð í 2. sæti og Guðmundur Óli Magnússon ÍR var í 3. sæti. Í 3. flokki pilta varð Guðlaugur Valgeirsson KFR Reykjavíkurmeistari.
Meira
Sigfríður Sigurðardóttir og Freyr Bragason úr KFR eru keilarar ársins 2006. Er þetta þriðja árið í röð sem Sigfríður hlýtur þessa viðurkenningu, en Freyr var áður valinn keilari ársins 1999.
Sigfríður varð Íslandsmeistari einstaklinga og para 2006 og einnig varð lið hennar KFR-Valkyrjur deildar-, bikar- og Íslandsmeistarar liða. Freyr varð Íslandsmeistari einstaklinga 2006, auk þess sem hann varð bikarmeistari með liði sínu KFR-Lærlingum. Sem Íslandsmeistarar tóku Sigfríður og Freyr þátt í Evrópubikarkeppni einstaklinga á árinu og náðu þar ágætis árangri. Bæði hafa þau verið í fremstu röð keilara á Íslandi undanfarin ár og verið fyrirmynd ungra og upprennandi keilara.
Kampavínsmót KFR verður haldið í Keiluhöllinni í Öskjuhlíð á gamlársdag, sunnudaginn 31. desember og hefst keppni kl. 11:00. Mótið er C-mót, keppt verður í 4 flokkum eftir meðaltali, spilaðir 3 leikir og kostar 1.200 kr. á mann. 
Í kvöld fer fram sameiginlegt hóf ÍSÍ og Samtaka íþróttafréttamanna þar sem tilkynnt verður um Íþróttamenn og Íþróttakonur ársins 2006. Þar á meðal verður tilkynnt val á keilurum ársins. Hófið fer fram á Grand Hótel Reykjavík og hefst kl. 18:20. Bein útsending frá atburðinum hefst á RÚV og Sýn kl. 20:00.
Meira
Góð þátttaka var í Jólamót KFR sem fram fór í Keiluhöllinni í Öskjuhlíð á annan dag jóla, 26. desember. Alls tóku 35 keppendur þátt í mótinu og urðu úrslit sem hér segir:
Meira
Keilusamband Íslands óskar keilurum öllum sem og aðstandendum þeirra gleðilegra jóla og farsæls komandi keiluárs.
Þökkum samstarfið á árinu sem er að líða.
Reglulega er sent út fréttabréf á póstlista Keilusambands Íslands, þar sem nú eru skráð yfir 220 netföng. Í fréttabréfinu er meðal annars að finna fréttir og auglýsingar um keilumót og aðra atburði sem tengjast keilunni. Í dag hafa yfir 200 fréttabréf verið send út á póstlistann, en hægt er að skrá netföng á póstlistann og skoða eldri fréttir á heimasíðunni
Ef þú vilt hætta áskrift, breyta netfanginu, eða bæta við nýju/nýjum á póstlistann þá vinsamlegast sendu póst á kli@kli.is
Forkeppni í Sjóvá mótinu, bikarkeppni einstaklinga hélt áfram um síðustu helgi og hafa nú 57 keppendur tekið þátt í mótinu, 39 karlar og 18 konur. Vegna fjölda áskorana hefur verið bætt við riðlum laugardaginn 6. janúar kl. 9:00, 10:00 og 11:00. Skráning er á netfangið skraning@keila.is . Hafþór Harðarson KFR er með forystu í karlaflokki með 697 seríu, Róbert Dan Sigurðsson ÍR kemur á hæla honum með 695 og Bragi Már Bragson KR er þriðji með 694. Í kvennaflokki á Sigfríður Sigurðardóttir KFR langhæstu seríuna eða 666, Ágústa Þorsteinsdóttir KFR kemur næst með 567 og Sigríður Klemensdóttir ÍR er þriðja með 561. Sjá nánar stöðuna í mótinu
Valinn hefur verið hópur unglinga til keppni fyrir Íslands hönd á Evrópumót unglinga, EYC 2007, sem haldið verður í borginni Þessalóníku í Grikklandi um páskana, eða nánar tiltekið dagana 6. - 15. apríl 2007. Þátttökurétt á mótinu hafa unglingar fæddir eftir 31. ágúst 1988.
Meira
Síðasta mót ársins á Evróputúrnum sem fór fram í Kungsbacka í Svíþjóð lauk um helgina. Sigurvegari á mótinu var Finninn Osku Palermaa, nýrkrýndur AMF World Cup sigurvegari, en hann lagði meðal annarra Hafþór Harðarson KFR-Lærlingum á leið sinni í úrslitin. Mjög hátt skor var í mótinu og þurfti m.a. að spila 1360 til að ná áfram inn í úrslitakeppnina, auk þess sem spilaðir voru fjórir 300 leikir og fjöldi mjög hárra leikja.
Meira
Keiludeild ÍR stendur fyrir kennslu í keilu í næstu viku. Kennari verður Svíinn Robert Anderson sem er meðal bestu keilara í Evrópu í dag og er núverandi heimsmeistari í tvímenningi. Kennslan verður fimmtudaginn 28. desember og hver kennslustund er 80 mínútur og hægt er að velja um eftirtalda tíma: kl. 13:00 - 14:20, 14:30 - 15:50, 18:30 - 19:50 og 20:00 - 21:20. Verð er kr. 2.000 á mann og komast hámark 8 manns að í hvern tíma. Skráning fer fram hjá Þórarni Þorbjörnssyni í síma 820 6404. Sjá nánar í auglýsingu
Opna Reykjavíkurmót unglinga 2006 verður haldið í Keiluhöllinni í Öskjuhlíð miðvikudaginn 27. og fimmtudaginn 28. desember n.k. og hefst keppni kl. 16:00 báða dagana. Mótið er fyrir pilta og stúlkur á aldrinum 11 - 18 ára og er frítt fyrir unglinga sem skráð eru í keilufélögin í Reykjavík en gestir greiða þátttökugjald. Skráning fer fram hjá Dóru í síma 661 9585 eða á netfangið dora@keila.is og lýkur skráningu laugardaginn 23. desember kl. 18:00. Sjá nánar í auglýsingu
Tilkynnt verður hvenær verður spilað þegar búið er að semja við salina. Eftirtalin lið drógust saman:Dregið var í 16 liða úrslit karla í Bikarkeppni KLÍ þriðjudagskvöldið 12. desember.
Meira
2. umferð deildarbikarsins fór fram þriðjudaginn 12. desember. Í a-riðli unnu ÍR-PLS alla sína leiki, og voru jafnframt með hæsta skor kvöldsins, 1655. Róbert Dan Sigurðsson spilaði 847. ÍR-a og KFK-Keiluvinir unnu 4 stig, en ÍR-TT og ÍR-P 2 stig. Staðan í riðlinum er því þannig að ÍR-PLS eru efstir með 14 stig, ÍR-a 10, KFK-Keiluvinir 6, ÍR-P 6 og ÍR-TT 4 stig.
Í b-riðli tóku ÍR-KLS og KR b 6 stig, KR c 4 stig, en ÍR-L og ÍR-BK 2 stig. Staðan í b-riðli er þannig að efstir eru KR b með 12 stig, ÍR-KLS 10, ÍR-L 10, KR c 6 og ÍR-BK með 2 stig.
Þriðja umferð Utandeildar KLÍ hófst s.l. fimmtudag með keppni í Riðli 1. Mikil spenna er komin í riðilinn en 4 stig skilja að liðin í 1. - 5. sæti. Álftanes og nágrenni, meistararnir frá fyrra ári, fengu fullt hús stiga í þessari umferð eða 6 stig og Sirrý Hrönn Haraldsdóttir leikmaður liðsins spilaði 769 með forgjöf eða 256 að meðaltali.
Flytjandi leiðir nú í Riðli 1 með 14 stig, Eggert er í 2. sæti með 12 stig, Mammút er í 3. sæti einnig með 12 stig, RB er í 4. sæti með 12 stig og Álftanes og nágrenni sem er á hraðri uppleið er komið í 5. sæti með 10 stig.
Keppni í þriðju umferð í Riðli 2 fer fram fimmtudaginn 14. desember. Sjá nánar um stöðuna í deildinni, úrslit, skor og dagskrá næstu umferðar á keila.is og heimasíðu KLÍ
Í gærkvöldi fór fram 10. umferð í 1. deild kvenna og áttust meðal annars við toppliðin ÍR-TT og KFR-Valkyrjur. Skemmst er frá því að segja að KFR-Valkyrjur áttu stórleik vetrarins og féllu bæði Íslandsmet og deildarmet. Viðsnúningur varð því á úrslitum úr fyrstu umferðinni og liðin höfðu sætaskipti á toppnum. Úrslitin úr leikjum kvöldsins voru: KFR-Skutlurnar - KFR-Afturgöngurnar 3 - 17, ÍR-KK - ÍR-BK 10 - 10, KFR-Valkyrjur - ÍR-TT 14 - 6. KFA-ÍA sátu hjá. Meira
Góð þátttaka var í Jólamóti Samkaupa og NETTÓ sem fram fór um helgina. Alls tóku þátt í mótinu 54 keppendur sem spiluðu samtals 62 seríur. Hæstu seríuna í mótinu átti Jón Ingi Ragnarsson 655. Keiludeild ÍR vill þakka stuðningsaðilum vegna mótsins, en það voru : Nettó í Mjódd, Þín verslun í Breiðholti, Sena hf., Búr. hf og T.G.I. Friday’s. Einnig þakkar keiludeild ÍR keppendum fyrir skemmtilegt mót. Ósóttir miðar komu á happdrættisnúmer 137 seðlaveski, 107 lyklakippa og 310 íþróttataska. Vinningshafar geta haft samband við Þórarin Má Þorbjörnsson toti@landsbanki.is Sjá úrslit
Meira
Fyrri keppnisdegi í Jólamóti Nettó lauk í dag, en mótinu lýkur á morgun, sunnudaginn 10. desember. Ennþá eru laus nokkur pláss í fyrri riðilinn kl. 9:00, en fullt er kl. 10:30. Sjá nánar í auglýsingu
Meira
Fyrsta Íslandsmót ársins 2007 er að vanda Íslandsmót para, en það verður haldið dagana 8. og 9. janúar 2007 í Keiluhöllinni. Spilaðir eru 6 leikir í forkeppni og komast 8 efstu pörin áfram í milliriðil. Þar eru leiknir aðrir 6 leikir, og leika tvö efstu pörin að því loknu til úrslita.
Mánudaginn 4. desember fór fram síðari viðureignin í 32ja liða bikar karla. Þar áttust við KFR-Þröstur og ÍR-A og fóru leikar þannig að ÍR-A sigraði 3-1. KFR-Þrestir unnu fyrsta leikinn 723 - 654. Annar leikurinn var spennandi allt til síðasta manns í síðasta ramma og fór svo að ÍR-A sigraði með 4 pinnum 687 - 683 og þeir unnu síðustu tvo leikina 801 - 755 og 734 - 639. Dregið verður í 16 liða úrslit karla, sem fara fram fimmtudaginn 18. janúar 2007, þriðjudaginn 12. desember n.k.
Meira
Önnur umferð í deildarbikar liða fer fram í Keiluhöllinni í Öskjuhlíð þriðjudaginn 12. desember. Keppt er í tveimur riðlum alls 10 lið. ÍR-PLS hefur nú forystu í A-riðli með 6 stig, ÍR-A er í 2. sæti einnig með 6 stig og ÍR-P er í 3. sæti með 4 stig. ÍR-L er í efsta sæti B-riðlis með fullt hús stiga, eða 8 stig, KR-B er í 2. sæti með 6 stig og ÍR-KLS er í 3. sæti með 4 stig. Sjá upplýsingar um stöðuna og leiki næstu umferðar
Í vikunni fer fram 9. umferð í öllum deildum í Íslandsmóti liða og þá er komið að jólafríum nema í 1. deild kvenna, en 10. umferð 1. deildar kvenna fer fram mánudaginn 11. desember. Þar mætast KFR-Skutlurnar og KFR-Afturgöngurnar, ÍR-KK og ÍR-BK og einnig toppliðin KFR-Valkyrjur og ÍR-TT, en þau lið berjast nú um efsta sæti deildarinnar. En kvennalið KFA-ÍA situr hjá í þessari umferð og eru Skagakonur því komnar í jólafrí. Fyrsta umferðin eftir áramót í 1. deild kvenna verður síðan spiluð mánudaginn 15. janúar. Meira http://www.kli.is/deildir/stadan/20071KV
Meira
Gefið hefur verið út allsherjarmeðaltal miðað við 30. nóvember síðastliðinn. Meðaltalið má nálgast undir Tölfræði og Meðaltal.
Helgina 9. - 10. desember mun hið árlega Jólamót Nettó fara fram í Keiluhöllinni í Öskjuhlíð. Keppt verður í tveimur riðlum bæði laugardag og sunnudag kl. 9:00 og 10:30. Hámarksfjöldi keppenda er 28 manns í hverjum riðli og fer skráning fram hjá Reyni Þorsteinssyni formanni ÍR í síma 825-1213 eða á netfangið reynirth@postur.is . Að vanda verða glæsileg verðlaun og happdrætti á staðnum. Sjá nánar í auglýsingu
Þrír riðlar voru um helgina í Sjóvá mótinu, bikarkeppni einstakinga, um helgina og kepptu þar 15 keppendur. Alls hafa því 39 keppendur tekið þátt í mótinu það sem af er. Hæstu seríur helgarinnar áttu Sigfríður Sigurðardóttir KFR með 666 sem er jafnframt hæsta sería kvenna, Bragi Már Bragason KR spilaði 694 og Björn Birgisson KR var með 668, sjá stöðuna og skorið í mótinu.
Hlé verður tekið á forkeppninni um næstu helgi vegna Jólamóts Nettó, en næstu riðlar verða: Laugardagur 16. desember 2006 kl. 9:00, 10:00, 11:00, Sunnudagur 17. desember 2006 kl. 9:00, 10:00, 11:00. Skráning er í gegnum netfangið skraning@keila.is. ATH, fram þarf að koma í hvaða skráningarhóp verið er að skrá. Verðið í forkeppninni er 1.500 kr fyrir fyrstu seríuna en aðeins 1.000 kr fyrir hverja seríu í forkeppninni eftir það. Sjá nánar í auglýsingu
Vakin er athygli á nýju merki Sjóvá sem kynnt var s.l. föstudag.
