Valkyrjur urðu á miðvikudaginn íslandsmeistarar liða í 1. deild kvenna. Þær báru sigur úr bítum eftir harða rimmu gegn ÍR-TT.

KFR-Valkyrjur eru Íslandsmeistarar liða í kvennaflokki.  Þær hófu leik í kvöld með 25 stig gegn 15 stigum ÍR-TT.  Þær unnu fyrsta leikinn 4 - 2 og þurftu því aðeins 1,5 stig úr öðrum leiknum til að tryggja titilinn.  Þær gerðu betur og unnu 5 -1, en síðasta leikinn unnu síðan TT 5-1.  Heildarviðureignin fór því 37 - 23.  Skorið hjá þeim var svipað og í gær, Valkyrjur með 2073 og TT með 2032.  Alda og Magna voru báðar með 548 og Guðný Gunnars með 545.