Keilarar ársins 2007 eru þau Magnús Magnússon úr KR og Sigfríður Sigurðardóttir úr KFR.   Magnús var einnig valinn keilari ársins árin 2003 til 2005, og er þetta í fjórða skiptið í röð sem Sigfríður er valinn keilari ársins.

 

Magnús varð á árinu Íslandsmeistari einstaklinga, náði í því móti fullkomnum leik, 300, og lék auk þess afar vel með deildar- og félagsliði sínu sem og í öðrum mótum.  Þá náði hann góðum árangri í móti á Evrópsku mótaröðinni, sem og í Evrópumóti landsmeistara í haust.

 

Sigfríður varð á árinu Íslandsmeistari einstaklinga, og bikar-, deildar- og Íslandsmeistari með liði sínu KFR-Valkyrjum.  Þá setti hún Íslandsmet í einum leik para með Birni Sigurðssyni.

 

Á myndinni má sjá þau Magnús og Sigfríði við verðlaunaafhendingu í Íslandsmóti einstaklinga.