Um helgina urðu Katrín Fjóla Bragadóttir og Björn G. Sigurðsson úr KFR Íslandsmeistarar para. Þau sigruðu Lindu Hrönn Magnúsdóttur og Stefán Claessen úr ÍR í úrslitum.
Til að tryggja sér sigur þurftu Linda og Stefán að vinna 3 leiki, en Katrínu og Birni dugði að vinna tvo þar sem þau höfðu verið ofar í forkeppninni. Katrín og Björn unnu fyrsta leik með 385 pinnum á móti 366 hjá Lindu og Stefáni. Linda og Stefán sigruðu svo næstu tvo leiki (432-393 og 368-366). Katrín og Björn tryggðu sér svo titilinn í síðasta leik með 383 pinnum á móti 330.
Í þriðja sæti voru Helga Sigurðardóttir og Gústaf Smári Björnsson úr KFR.
