Þriðja og síðasta umferð AMF mótaraðarinnar 2012 – 2013 fer fram í Keiluhöllinni í Egilshöll 17. – 20. apríl.
Fyrri riðill forkeppninnar fór fram í gær, miðvikudaginn 17. apríl, en seinni riðilinn er á morgun, föstudaginn 19. apríl kl. 17:00. Skráning í riðilinn er á netinu og lýkur í kvöld kl. 22:00.
Alls tóku kepptu 16 keppendur í gær og fjórir fyrrverandi AMF sigurvegarar raða sér núna í efstu sætin. Hafþór Harðarson ÍR er í efsta sæti með samtals 1.372 pinna, Kristján Þórðarson ÍA er í 2. sæti með 1.293, Arnar Sæbergsson ÍR er í 3. sæti með 1.248 og Guðný Gunnarsdóttir ÍR er í 4. sæti með 1.227. Sjá skor úr fyrri riðlinum
10 efstu keppendurnir án forgjafar keppa til úrslita laugardaginn 20. apríl og hefst keppnin kl. 9:00. Olíuburður í mótinu verður Beaten path 41 fet.
Úrslitakeppni AMF mótaraðarinnar 2012 – 2013 fer síðan fram sunnudaginn 21. apríl og hefst kl. 9:00. Þar eiga keppnisrétt 10 stigahæstu keppendurnir úr öllum þremur AMF mótum vetrarins. Sjá nánar í auglýsingu og reglugerð fyrir AMF mótin.
Sýnt verður beint frá úrslitum í mótinu á SportTV á sunnudaginn og hefst útsending kl. 10:30.
Magnús Magnússon ÍR er efstur í stigakeppninni með samtals 20 stig, Guðlaugur Valgeirsson KFR er í 2. sæti með 14 stig, síðan koma Arnar Sæbergsson ÍR og Hafþór Harðarson með 12 stig. Linda Hrönn Magnúsdóttir ÍR er eina konan sem kemst inn á lista mótaraðarinnar. Sjá stöðuna á mótaröðinni
49. QubicaAMF Bowling World Cup mótið fer fram í Sibiryak Bowling Centre í borginni Krasnoyarsk í Rússlandi dagana 15. – 24 nóvember 2013. Sjá nánar á heimasíðu QubicaAMF
