Íslandsmóti einstaklinga lauk í kvöld með sigri Sigfríðar (Lísu) Sigurðardóttur KFR og Steinþórs Geirdal Jóhannssonar ÍR.   Milliriðillinn var mjög spennandi, hjá konum var á endanum þannig að Magna ÝR Hjálmtýsdóttir KFR var efst og Lísa og Guðný Gunnarsdóttir ÍR jafnar í 2 og 3 sæti, þurfti þá að gá hvor hafði spilað hærri síðasta leikinn og var það Lísa og spilaði hún 2 pinnum hærri leik en Guðný þannig að Lísa og Magna fóru í úrslitaleikinn.  Hjá körlum var ekki minni spenna, fyrir síðasta leikinn var Róbert Dan Sigurðsson ÍR efstur og átti 22 pinna á Jón Inga Ragnarsson ÍR sem átti 1 pinna á Steina.  Róbert spilaði fínan leik og var því öruggur í úrslit en Steini og Jón Ingi áttu innbyrðis viðureign og var hörku leikur sem endaði með sigri Steina.

Í gær setti Arnar Davíð Jónsson 2 Íslandsmet í flokki 15-16 ára. Í 5 leikjum 1069 og 6 leikjum 1271. 

Til hamingju allir með frábæran árangur